Ֆինլանդիան մերժել է Էրդողանի պահանջները

Ֆինլանդիայի արտաքին գործերի նախարար Պեկա Հավիստոն ուրբաթ օրը վստահեցրել է, որ հանրապետությունը ոչ մի դեպքում չի արտահանձնի իր քաղաքացիներին այլ երկրներ։ Նման հայտարարությունը ԱԳՆ ղեկավարն արել է Yle հեռուստաալիքին տված հարցազրույցում։

«Ֆինլանդիայի պարտավորությունների համաձայն՝ այն չի կարող քաղաքացիներին արտահանձնել այլ երկրներ, որտեղ նրանց կարող է սպառնալ մահապատիժ կամ խոշտանգումներ»,- ասել է նախարարը։ Ինչ վերաբերում է արտահանձնմանը, ապա, ինչպես ընդգծել է Հավիստոն, «պահանջվում է, որ անձը Ֆինլանդիայում ահաբեկչություն կատարած լինի կամ պատրաստվի իրականացնել»։ Դա կիրականացվի «եվրոպական համաձայնագրերին համապատասխան»,- մանրամասնել է նա։

Ավելի վաղ Թուրքիայի արդարադատության նախարարությունը հիշեցրել էր, որ Անկարան դեռ սպասում է Շվեդիայից և Ֆինլանդիայից ահաբեկչության մեջ կասկածվող 33 անձանց արտահանձնմանը։

Ստոկհոլմը և Հելսինկին Անկարային խոստացել են դիտարկել ենթադրյալ ահաբեկիչներին արտահանձնելու նրա դիմումները՝ հաշվի առնելով հուշագրում ներկայացված ապացույցներն ու հետախուզական տվյալները, որոնք թույլ են տալիս Շվեդիային և Ֆինլանդիային միանալ ՆԱՏՕ-ին։

Եռակողմ համաձայնագիրը ստորագրվել է հունիսի 28-ին Մադրիդում՝ Թուրքիայի նախագահ Ռեջեփ Թայիփ Էրդողանի, Ֆինլանդիայի նախագահ Սաուլի Նինիստոյի, Շվեդիայի վարչապետ Մագդալենա Անդերսոնի և ՆԱՏՕ-ի գլխավոր քարտուղար Յենս Ստոլտենբերգի բանակցություններից հետո, ով նախաձեռնել էր դրանք։

Այս թեմայով Էրդողանը կարող է թողնել իշխող կուսակցության ղեկավարի պաշտոնը Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Էրդողանը հայտարարել է Պուտինի հետ պայմանավորվածության մասին Էրդողանն Իսրայելին մեղադրել է սադրանքների մեջ Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը «Ժողովուրդ». 1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199 Էրդողանը նամակ է հղել Հռոմի պապին Թուրքիայում հայտարարել են, որ Իրանի վերաբերյալ տվյալներ չեն փոխանցել Իսրայելին Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբ