Չավուշօղլուն կրկին խոսել է «Զանգեզուրի միջանցքի» մասին և մեղադրանքներ հնչեցրել Հայաստանի ընդդիմության հասցեին

Քննարկվում են այն քայլերը, որոնք կարող են ձեռնարկվել ապագայում Թուրքիայի և Հայաստանի միջև հարաբերությունների կարգավորման գործընթացի շրջանակներում։ Այս մասին հայտարարել է Թուրքիայի արտգործնախարար Մևլութ Չավուշօղլուն։

Նա նշել է, որ Թուրքիան ամեն քայլափոխի այս հարցում խորհրդակցում է Ադրբեջանի հետ։

«Մյուս կողմից՝ մենք ցանկանում ենք Ադրբեջանի և Հայաստանի միջև հարաբերությունների կարգավորում, այս երկրների միջև խաղաղության պայմանագրի ստորագրում, քանի որ տարածաշրջանում կայուն խաղաղություն է անհրաժեշտ։ Անհրաժեշտ է բացել «Զանգեզուրի միջանցքը», որը պետք է ստեղծվի Ադրբեջանի և Հայաստանի միջև ձեռք բերված համաձայնության հիման վրա, ինչպես նաև իրականացնել այլ տրանսպորտային նախագծեր այս երկրների միջև»,- ասել է նա։

Չավուշօղլուն Հայաստանի ընդդիմությանը և հայկական սփյուռքին մեղադրել է «խաղաղությանը խոչընդոտելու» մեջ։

«Հայկական սփյուռքը բաժանված էր երկու մասի: Դրա մի մասը կտրականապես չի ցանկանում աջակցել կարգավորման գործընթացին, իսկ մյուս մասը աջակցում է այս գործընթացին։ Հայաստանում որոշ ուժեր հարձակվում են վարչապետի տան վրա, փողոցային գործողություններ են իրականացնում, լուրջ ճնշումներ են գործադրում, և դա լուրջ խոչընդոտ է ստեղծում Ադրբեջանի և Թուրքիայի հետ Հայաստանի հարաբերությունների կարգավորման գործընթացում»,- ասել է նա։

Թուրք արտգործնախախարը նաև առաջարկել է  հայ-թուրքական բանակցություններն անցկացնել Երևանում:

«Վեննային շնորհակալություն ենք հայտնում, սակայն հետագա հանդիպումները ինչո՞ւ Թուրքիայում և Հայաստանում չլինեն: Մենք անգամ Հայաստանին առաջարկել ենք՝ ասելով, որ առաջին հանդիպումն էլ Երևանում կարող ենք անցկացնել: Սակայն Հայաստանը դրան դեռ պատրաստ չէ ներքին ճնշման պատճառով»,- նշել է Չավուշօղլուն։

Այս թեմայով Անկարան պատրաստ է Երևանի հետ հարաբերություններում դրական քայլերի. Չավուշօղլու Հայտնի են դարձել Չավուշօղլուի և ՌԴ-ի, Սիրիայի ու Իրանի նախարարների զրույցի թեմաները Մոսկվայում «Թյուրքի ճանապարհն անցնում է Զանգեզուրով, Ղարաբաղով», հայտարարել է Չավուշօղլուն Թուրքիան չի միանա Ռուսաստանի դեմ ԱՄՆ-ի և ԵՄ-ի պատժամիջոցներին. Չավուշօղլու ԱՄՆ-ն Թուրքիային առաջարկում էր իր Ս-400-ներն ուղարկել Ուկրաինա. Չավուշօղլու Չավուշօղլուն մտադիր է մայիսի 10-ին Մոսկվայում հանդիպել Լավրովի հետ Փաշինյանը և Հայաստանի մյուս «VIP-անձինք» չեն կարողանա թռչել Թուրքիայի վրայով․ Չավուշօղլու «Քաղաքական շառլատաններ»․ Չավուշօղլուն արձագանքել է Բայդենի ապրիլքսանչորսյան ուղերձին Ընդդիմությունը երկիրը կներքաշի պատերազմի մեջ, եթե նրանք գան իշխանության․ Չավուշօղլու Մենք չենք ընդունի Սիրիայից մեր զորքերը բանակցությունների համար դուրս բերելու պայմանը․ Չավուշօղլու