Ներքին Խնձորեսկի բոլոր տղամարդիկ դատվում են. Նաիրա Զոհրաբյան

Ներքին Խնձորեսկի բոլոր տղամարդիկ դատվում են : Այս մասին ֆեյսբուքում գրել է ԱԺ նախկին պատգամավոր Նաիրա Զոհրաբյանը.

«Քիչ անց Գորիսի առաջին ատյանի դատարանում կմեկնարկի մեր ժամանակների ամենաաբսուրդային դատական գործերից մեկը։

Սյունիքի Ներքին Խնձորեսկ գյուղում, որտեղից թուրքն ընդամենը 600 մետրի վրա է, ապրում է 36 ընտանիք ու այդ 36-ից 34 ընտանիքի տղամարդիկ այսօր ամբաստանյալի կարգավիճակ ունեն եւ նրանց սպառնում է 2-7 տարի ազատազրկում։ Սեփական համագյուղացիներին դատի է տվել Ներքին Խնձորեսկի նախկին գյուղապետ Մարտուն Արզանյանը։ Արզանյանը 2005 թվականից Ներքին Խնձորեսկի գյուղապետն էր, ով, ասում են, սկզբում Քոչարյանի, հետո Սերժ Սարգսյանի նկարը ծոցագրպանում էր ման գալիս, բայց 2018-ին լույսի արագությամբ դառնում է գյուղի առաջին «Սերժ մերժողն» ու միակ ՔՊ-ականը։

Ու սույն շուստրի այլեւս նախկին գյուղապետը տարիների ընթացքում հասցնում է կեղծ, ապօրինի աճուրդներով, որոնցից գյուղացիները տեղյակ չեն եղել, իր մերձավորների անուններով սեփականաշնորհել գյուղի ամբողջ 474 հետկար վարելահողը։ Համառ պայքարից հետո գյուղացիներին հաջողվում է 200 հեկտարը պոկել Մարտուն Արզանյանի ձեռքից, իսկ կեղծ աճուրդներով յուրացված 274 հետկարը, ըստ գյուղացիների, շարունակում է մնալ Մարտունի կլանի տիրապետության տակ։

Փաստորեն, գյուղի Մարկիզ Կարաբասը գյուղի բոլոր տղամարդկանց դատի է տվել, որովհետեւ գյուղացիները, ովքեր սիրո եւ հանդուրժողականության հեղափոխությունից հետո դավթարներով դիմումներ են ուղղել թավշյա իշխանություններին եւ իրենց ասել են՝ «հեսա Պապիկյանը կգա ու հարցը կկարգավորի» ու Պապիկյանն այդպես էլ չեկավ, դե, գյուղացիներն էլ որոշել են արդարության սկզբունքով թույլ չտալ Մարտունի կլանին շահագործել ապօրինաբար զավթված հողերը. իրենք մշակել են, իրենք հավաքել ու պահեստավորել են բերքը՝ ցորեն, գարի, խոտ՝ մինչեւ դատարանը կորոշի ապօրինի աճուրդների հարցը։

Բայց այսօր, ժամը 12-ին, Գորիսի դատարանում քննվելու է ոչ թե Մարտուն Արզանյանի կողմից տարիներ շարունակ կեղծ աճուրդներով գյուղի ողջ վարելահողերի սեփականաշնորհման, այլ համագյուղացիների հետ այդ հողերից ստացված բերքը չկիսելու հարցը։

Հենց նոր խոսեցի Ներքին-խնձորեսկցիների հետ՝ մի բաժակ սուրճ էին խմում, որ գնան Գորիս՝ դատվելու։

Իսկ թուրքը գյուղից 600 մետր այն կողմ է եւ մի քանի անգամ գյուղացիները գյուղի մթերային խանութում թուրք են բռնացրել։

Թե ինչքա՞ն կտեւի դատական այս աբսուրդը, պարզ չի, բայց մինչ պարզվի Մարկիզ-Կարաբաս-Մարտուն Արզանյանի՝ ապօրինի զավթված վարելահողերի գարու ու ցորենի ճակատագիրը, գյուղի ինքնապաշտպանությունը մնալու է կանանց եւ երեխաների վրա, ովքեր վերջերս գյուղում 600 ծառ էին տնկել՝ որպես ինքնապաշտպանական պատնեշ, որպեսզի թուրքն իրենց տների անցուդարձին չկարողանա հետեւել»։

Այս թեմայով Ամոթ է․ հայ պատանդները մինչ այսօր Բաքվում են, ՀՀ-ին առաջին հերթին ներքին կայունություն է պետք․ Ադոնց Վայոց ձորում իրանական համարանիշերով բեռնատարը կողաշրջվել է Ինչու դեռ հարցաքննված չեն զույգով միզող ոստիկանները, առգրավված չեն նրանց միզուղու մոտակայքի բոլոր տեսախցիկներն ու ձայնագրությունները, առգրավված-զննված չեն նրանց հեռախոսները, ավտոմեքենան եւ ինչու քրգործ հարուցված չէ. փաստաբան Երվանդ Վարոսյան ԱԺ-ն մեկ րոպե լռությամբ հարգեց ցեղասպանության ենթարկված բոլոր ժողովուրդների զոհերի հիշատակը «Ներքին վախերն այս խմբակին տանում են դեպի ավտոկրատիա». «Փաստ» Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը Հայաստանում արտադրված մի քանի զինատեսակներ ներքին փորձարկումներ են անցել Մի քանի զինատեսակի ներքին փորձարկումներ են իրականացվել, որոնք կկիրառվեն ՀՀ ԶՈւ-ում Եվրոպայի խորհուրդը կշարունակի աջակցել Ներքին գործերի նախարարության բարեփոխումներին Այդ փորձը պիտանի եղավ հայագիտության բոլոր հիմքերը համակարգված խարխլելու «վեհ գործում». Գևորգ Դանիելյան