Որքանով Բորիս Ջոնսոնի հրաժարականը շահեկան կլինի Հայաստանի համար

Մեծ Բրիտանիայի վարչապետ Բորիս Ջոնսոնը երեկ  հայտարարեց իր հրաժարականի մասին։ Ինչպես հայտնի է, Բորիս Ջոնսոնն ակնհայտ թուքամետ քաղաքականություն էր վարում և այժմ ի դեմս նրա՝ Թուրքիան կկորցնի իր շահերի թիվ մեկ պաշտպանին Մեծ Բրիտանիայում:

Թե որքանով Բորիս Ջոնսոնի հրաժարականը շահեկան կլինի Հայաստանի համար, ԼՈՒՐԵՐ.com-ը փորձեց պարզել թուրքագետ Ռուբեն Սաֆրաստյանի հետ հարցազրույցի շրջանակներում:  

«Բորիս Ջոնսոնը մեծ ջանքեր էր գործադրում Ռուսաստանին ամեն կերպ թուլացնելու Ուկրաինայի հետ հարաբերություններում: Այդ առումով պետք է նշեմ, որ մոտ  մեկ ամիս առաջ հրապարակվեց Անգլիայի պաշտպանության նախարարության նոր կոնցեպտը, որտեղ հատուկ ուշադրություն է հատկացվում  Թուրքիային, որը պետք է օգտագործվի Ռուսաստանի հնարավորությունները սահմանափակելու գործում: Երկրորդ՝  իտալական մամուլը մի ինֆորմացիա հրապարակեց, որը ստացել էին  դիվանագիտական աղբյուրներից:  Ըստ այդմ՝  Բորիս Ջոնսոնը մշակել էր մի ծրագիր, որի նպատակն այն էր, որ  Մերձբալթյան հանրապետությունները և Թուրքիան  բոլոր կողմերից շրջապատեն Ռուսաստանին:  Այդ ծրագրում Թուրքիային հատուկ դեր էր հատկացված»,-նշեց թուրքագետը:

Նրա խոսքով՝ Ջոնսոնի հեռանալը կարող է պատճառ դառնալ, որ վերոնշյալ ծրագիրը չիրականանա, որը մեզ համար վտանգավոր էր այն առումով, որ դրանում Թուրքիան գլխավոր դերակատարն էր հակառուսական քաղաքականության մեջ:

«Բայց մյուս կողմից՝  չպետք է մոռանալ, որ մեկ շաբաթ առաջ ՆԱՏՕ-ն մի կոնցեպցիա ընդունեց, որում  Ռուսաստանը ճանաչվում է որպես հիմնական թշնամի, հիմնական վտանգ ՆԱՏՕ-ի համար:  Սա հեռուն գնացող հետևանքներ կունենա, որովհետև Թուրքիան դառնում է մի պետություն, որը ՆԱՏՕ-ի անդամ լինելով՝ պետք է պայքարի իրենց հիմնական թշնամու դեմ:  Իսկ դա նշանակում է, որ Արևմուտքը կփորձի մի կողմից շրջանակների մեջ պահել Թուրքիային, որովհետև Էրդողանը վերջին տարիներին առանձնապես չի ենթարկվում արևմտյան ընդհանուր մոտեցումներին, մյուս կողմից՝  նրան կօգտագործեն  Ռուսաստանի դեմ»,-հավելեց Ռ. Սաֆրաստյանը: 

Ըստ նրա՝  Արևմուտքը կսկսի օժանդակել Թուրքիայի պանթուրքիստական ծրագրերին, որովհետև դրա միջոցով ոչ միայն կթուլացնի Ռուսաստանի ազդեցությունը Կենտրոնական Ասիայում, որը առանց այն էլ թուլանում է, այլ նաև կօգտագործի  պանթուրքիզմը Ռուսաստանը ներսից քանդելու համար: 

«Ամեն դեպքում,  ամեն ինչ դեռ  անորոշ է, կարող են նաև այլ հրաժարականներ, փոփոխություններ լինել, որովհետև Բորիս Ջոնսոնը, ի վերջո, որոշակի  ալիք էր ներկայացնում արևմտյան աշխարհում. նրանից հետո նոր ղեկավարությունը կարող է փոխել քաղաքականությունը, ինչպես, օրինակ, Բայդենը փոխեց ԱՄՆ արտաքին քաղաքականությունը Թրամփից հետո»,-եզրափակեց թորւքագետը:

Սուսաննա Թամազյան

Այս թեմայով Ավետիք Չալաբյանը 1 մլն դրամ է փոխանցել Սամվել Վարդանյանի գրավի համար Սամվելի դեպքը այլանդակության գագաթնակետն է, աղմուկը շատ էր, դրա համար կալանք չկիրառվեց ԼՂ-ից բռնի տեղահանված ուսուցիչների համար նախատեսված հատկացումները կբաշխվեն ըստ մարզերի Արթուր Վանեցյանը 1 մլն դրամ է փոխանցել Սամվել Վարդանյանի գրավի համար Մոսկվայում ադրբեջանցին, իրեն նկատողություն անելու համար, սպանել է տղամարդուն Սամվելի գրավի գումարը հավաքելու համար ունենք ընդամենը 2 օր. Ռուբեն Մելիքյան Մի շարք հիվանդություններ ունեցող անձինք կճանաչվեն զինծառայության համար պիտանի՝ որոշակի սահմանափակումներով Բժշկական օգնության և սպասարկման մի շարք տեսակների համար սահմանված տեխնիկական և կադրային պահանջները կվերանայվեն. «Փաստ» «Ժողովուրդ». ԱՆ-ի շուրջ գործողությունների ֆոնին՝ Արսեն Թորոսյանը նախարարի պաշտոնի համար ընկերոջ PR-ով է սկսել զբաղվել ՀՀ-ի ճանաչված սահմանները Իրանի համար կարմիր գիծ են. դեսպան