Կարգադրում եմ ԱԺ աշխատակազմի պետական ծառայողներին և աշխատողներին խրախուսել դրամական պարգևատրմամբ․ Ալեն Սիմոնյան
ԱԺ նախագահ Ալեն Սիմոնյանը կարգադրություն է ստորագրել ԱԺ աշխատակազմի պետական ծառայողներին պարգևավճար տալու վերաբերյալ։
«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ եւ 22-րդ կետերով, «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքի 22-րդ հոդվածով՝ կարգադրում եմ.
1. Ազգային ժողովի աշխատակազմի պետական ծառայողներին եւ աշխատողներին խրախուսել միանվագ դրամական պարգեւատրմամբ՝ համաձայն 1-ին եւ 2-րդ հավելվածների:
2. Ազգային ժողովի աշխատակազմի ղեկավար-գլխավոր քարտուղար Վ. ՆԱՐԻԲԵԿՅԱՆԻՆ՝ Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»,- նշված է փաստաթղթում:
Հիշեցնենք՝ օրեր առաջ Ալեն Սիմոնյանը կարգադրել էր դրամական պարգևատրում տրամադրել ԱԺ իշխանական՝ «Քաղաքացիական պայմանագիր» խմբակցության պատգամավորներին։