ՀՀ կառավարությունը որդեգրել է բնապահպանական հավակնոտ օրակարգ. շրջակա միջավայրի նախարարը՝ տարածաշրջանային հանդիպմանը

Շրջակա միջավայրի նախարար Հակոբ Սիմիդյանը և նախարարի տեղակալ Գայանե Գաբրիելյանն աշխատանքային այցով Իրանի Իսլամական Հանրապետությունում են՝ «Բնապահպանական համագործակցությունը հանուն ավելի լավ ապագայի» խորագրով հանդիպմանը մասնակցելու նպատակով:

Ինչպես տեղեկացրին ՀՀ շրջակա միջավայրի  նախարարությունից, հանդիպմանը տարածաշրջանի երկրների բնապահպանական գերատեսչությունների ղեկավարները քննարկել են շրջակա միջավայրի ոլորտում ընդհանուր մարտահրավերները և գլոբալ աղետների արդյունավետ հաղթահարման շուրջ ջանքերի միավորման հնարավորությունները։

Ըստ աղբյուրի՝ հանդիպմանը նախարար Հակոբ Սիմիդյանը հանդես է եկել ելույթով։

Ելույթի սկզբում նախարարն անդրադարձել է հայ-իրանական բարեկամական հարաբերություններին՝ մատնանշելով շրջակա միջավայրի պահպանության ոլորտում երկու երկրների միջև փոխգործակցության արդյունքում ձևավորված միջպետական համագործակցության շարունակական զարգացումն ու ամրապնդման անհրաժեշտությունը և կարևորել ոլորտում առկա երկկողմ հետաքրքրություն ներկայացնող հարցերի շուրջ աշխատանքների ծավալումն ու զարգացումը։

«Հայաստանի Հանրապետությունն ի դեմս Կառավարության, որդեգրել է բնապահպանական հավակնոտ օրակարգ, որում իր հատուկ տեղն ունի համագործակցությունն ինչպես բարեկամ և հարևան պետությունների, այնպես էլ միջազգային գործընկեր կազմակերպությունների հետ, որոնք տասնյակ տարիներ իրենց արդյունավետ առաքելությունն են իրականացնում տարածաշրջանում, այդ թվում՝ Հայաստանի Հանրապետությունում։ Բացի այդ, ՀՀ կառավարությունը մշակել է շրջակա միջավայրի և բնական ռեսուրսների համալիր պահպանությանն ուղղված քաղաքականություն՝ առաջնահերթ ուղղությունների շարքում ներառելով շրջակա միջավայրի բոլոր բաղադրիչների կայուն կառավարումը, զարգացումն ու պահպանությունը։

Կանաչ փոխակերպման և կլիմայի փոփոխությանը դիմագրավելու ուղղությամբ Հայաստանի Հանրապետության կառավարության տեսլականը հիմնված է կանաչ և ցածրածխածնային աճի սկզբունքների վրա, ինչը ենթադրում է հարմարվողականության և մեղմման ջանքերի ընդլայնում՝ սկսած անտառվերականգնումից մինչև վերականգնվող էներգիայի և էներգաարդյունավետության ներդրումներ»,-իր ելույթում նշել է նախարարը և փաստել, որ չնայած COVID-19 համավարակի և Լեռնային Ղարաբաղում 2020 թվականի 44-օրյա պատերազմի հետևանքով առաջացած մարտահրավերներին՝ Հայաստանի Հանրապետությունը հավատարիմ է մնացել գլոբալ բնապահպանական համաձայնագրերով ստանձնած իր պարտավորությունների արդյունավետ իրականացմանը։

Նշվումէ, որ նախարարն իր խոսքում անդրադարձել է նաև ջրային ոլորտի խնդիրներին և խոսել դրանց լուծման ուղղությամբ ձեռնարկվող քայլերից։

Ելույթի ավարտին նախարար Հակոբ Սիմիդյանը վերահաստատել է Հայաստանի Հանրապետության և անձամբ իր պատրաստակամությունը՝ համագործակցելու տարածաշրջանի պետությունների և միջազգային կազմակերպությունների հետ գլոբալ բնապահպանական օրակարգի առաջմղման գործում:

Այս թեմայով Կառավարությունը հաստատեց Դավիթ Գյուրջինյանին Բրյուսովի համալսարանի ռեկտորի պաշտոնում Ո՞ւր և ինչո՞ւ է շտապում Արևմուտքն իր տարածաշրջանային «ծրագրերում». «Փաստ» Ոսկեպարցիներից հավաքել են հեռախոսները. Սուրեն Պետրոսյանին չեն թողել մասնակցի հանդիպմանը. մանրամասներ (տեսանյութ) Ոսկեպարում՝ վարչապետի հետ հանդիպմանը, արգելել են լուսանկարել կամ տեսագրել Վարչապետի հետ հանդիպմանը սահմանափակվում է հանդիպման մասնակիցների մուտքը դահլիճ (տեսանյութ) Վաղը բոլոր ցանկացողները կարող են մասնակցել «Հայաստան» խմբակցության պատգամավորների հետ հանդիպմանը Մի փնտրեք դավադրություններ էնտեղ, որտեղ չկան. ԿԳՄՍ նախարարը` «Ակադեմիական քաղաքի» մասին Հայաստանի կառավարությունը նախատեսում է բժշկական կենտրոններից մեկում ստեղծել սիմուլյացիոն կրթական կենտրոն Կառավարությունը կաջակցի գյուղատնտեսական ապահովագրություն իրականացնող ընկերություններին ԲՏԱ նախարարը չի բացառում ռուսական հեռուստաալիքներին առնչվող համաձայնագրի միակողմանի խզումը