Բայդենը Իսրայելի վարչապետին կխնդրի մեծացնել Կիևին ռազմական օգնությունը․ Axios

ԱՄՆ նախագահ Ջո Բայդենն այսօր Երուսաղեմում երկկողմ հանդիպման ժամանակ Իսրայելի վարչապետ Յաիր Լապիդին կխնդրի մեծացնել Ուկրաինային տրամադրվող ռազմական օգնությունը։ Այս մասին հայտնում է Axios պորտալը՝ վկայակոչելով ԱՄՆ պաշտոնյաներին։

«Մենք գոհ ենք նոր օգնությունից, որը Իսրայելը հայտարարել է վերջին օրերին, սակայն Ուկրաինան հատուկ կարիքներ ունի, որոնց մասին մենք պատրաստվում ենք խոսել իսրայելական կողմի հետ», - հրատարակությունը մեջբերում է ԱՄՆ վարչակազմի անանուն պաշտոնյայի խոսքերը։

Պորտալը նշում է, որ Իսրայելը, թեև ճշգրտել է իր քաղաքականությունը Մոսկվայի նկատմամբ և ավելի «ուկրաինամետ դիրքորոշում» է որդեգրել, սակայն Ուկրաինային դեռ չի մատակարարել ժամանակակից զենք։

Ավելի վաղ հրեական պետության պաշտպանության նախարարության մամուլի ծառայությունը հայտնել էր, որ Իսրայելը Ուկրաինայի քաղաքացիական ծառայություններին կմատակարարի 1,5 հազար սաղավարտ, նույնքան պաշտպանիչ ժիլետ և 1 հազար հակագազ։

Ինչպես չորեքշաբթի օրը հայտարարել է Վաշինգտոնի վարչակազմի բարձրաստիճան պաշտոնյան, Ուկրաինայում տիրող իրավիճակը լինելու է Երուսաղեմում Լապիդի և Բայդենի առաջիկա բանակցությունների թեմաներից մեկը։ Միաժամանակ, պաշտոնյան խուսափել է ուղիղ պատասխանից այն հարցին, թե արդյո՞ք Բայդենը նախատեսում է «դրդել Իսրայելին» զենք ուղարկել Ուկրաինա։

Այս թեմայով Բայդենը ստորագրել է Ուկրաինային կարևոր լրացուցիչ ռազմական օգնություն մասին օրինագիծը Քաղաքացիական պատերազմ են հրահրում․ արշավ Եկեղեցու և Կիրանցում ակցիայի մասնակիցների դեմ ԱՄՆ Կոնգրեսի Ներկայացուցիչների պալատը հավանություն է տվել Ուկրաինային օգնելու օրինագծին «Ամոթ քեզ»․ Իսրայելի արտգործնախարարը նախատել է Էրդողանին Երուսաղեմի հայերը ոստիկաններին զգուշացրել են` Հայկական թաղամասի վրա հարձակում է լինելու Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց Իսրայելը ներկայումս կանգնած է էկզիստենցիալ սպառնալիքի առաջ․ Նեթանյահու Հորեղբորս մարմինը այդպես էլ չգտնվեց՝ Նոր Գվինեայի մարդակերների պատճառով. Բայդեն Էս կապիկից առաջացածները էկել հայ ազգի ճակատագիրն են որոշում. Իսրայել Հակոբկոխյան (տեսանյութ)