Նախկին ծրագրավորողը մեղադրվել է ԿՀՎ-ի պատմության մեջ գաղտնի տեղեկատվության ամենախոշոր գողության համար

ԿՀՎ-ի նախկին ծրագրավորող ինժեները դաշնային մեղադրանքներով դատապարտվել է ԿՀՎ-ի պատմության մեջ գաղտնի տեղեկատվության ամենամեծ գողության համար։

Ջոշուա Շուլթեն, որը որոշել էր պաշտպանել ինքն իրեն, ատենակալներին ասել է, որ ԿՀՎ-ն եւ ՀԴԲ-ն իրեն քավության նոխազ են դարձրել 2017թ. WikiLeaks-ում գաղտնիքների խայտառակ հրապարակման պատճառով։

Շուլթեն առանց տեսանելի ռեակցիայի հետեւել է, թե ինչպես է օկրուգային դատավոր Ջեսի Մ. Ֆուրմանը հրապարակել ինը կետից բաղկացած մեղադրական դատավճիռը։

Ինչպես տեղեկացրել է AP-ը, մինչեւ իր ձերբակալությունը Շուլթեն օգնել է ստեղծել հաքերային գործիքներ Լենգլիում գործակալության ծրագրավորողների կենտրոնատեղիում։

Դատավճռի հրապարակման օրը միանգամից չի նշանակվել, քանի որ Շուլթեն դեռեւս սպասում է մանկական պոռնոգրաֆիայի տարածման մեղադրանքով դատին։ Նա իրեն մեղավոր չի ճանաչել։

Շուլթեն հայտարարել է, որ իրեն թիրախ են դարձրել, չնայած «հարյուրավոր մարդիկ տեղեկատվության (հասանելիություն) ունեին... Այն կարող էին գողանալ հարյուրավոր մարդիկ»։

Դատախազությունը հաստատել է, որ 33-ամյա Շուլթեն կազմակերպել է տեղեկատվության արտահոսք, քանի որ համարել է, որ ԿՀՎ-ն իր հանդեպ անհարգալից վերաբերմունք է դրսեւորել, նա փորձել է «մինչեւ վերջ այրել» այն աշխատանքը, որով նա օգնել է գործակալությանը։

Դատախազն ասել է, որ Շուլթեն իմացել է, որ արտահոսքը ԿՀՎ-իր մեխանիզմները «գրեթե անօգտակար կդարձնի՝ քայքայիչ ներգործություն ունենալով հետախուզական հանրույթի համար, կարեւոր տեղեկատվություն փոխանցելով նրանց, ովքեր ցանկանում են մեզ վնասել»։

Դատին սպասելու ընթացքում նա շարունակել է իր հանցագործությունները՝ փորձելով լրացուցիչ գաղտնի նյութեր տրամադրել, քանի որ «տեղեկատվական պատերազմ» է վարել կառավարության դեմ։

Շուլթեն ճաղերի հետեւում է գտնվում 2018 թվականից, առանց գրավի դիմաց ազատ արձակվելու իրավունքի։

Այս թեմայով Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Նոյեմբերյանում ճանապարհը փակելու համար 5 անձ ձերբակալվել է Պատմության այս մութ գլուխը հիշեցնում է մեզ խտրականության և բռնության դեմ պայքարելու մասին. Բելգիայի արտգործնախարար Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ