Ղուրանն իրավունք է տալիս հայերին վերադառնալ իրենց հայրենիք` Արևմտյան Հայաստան. շեյխ Իմրան Հոսեյն

«Ջենեսիս Արմենիա» ուղեղային կենտրոն/հիմնադրամի տնօրեն, ք.գ.թ., դոցենտ Աբրահամ Գասպարյանը խորքային և բացառիկ զրույց է ունեցել շեյխ Իմրան Հոսեյնի հետ, որը ժամանակակից քաղաքական իսլամի, թեոլոգիայի, քաղաքական փիլիսոփայության ամենահայտնի գիտնականներից է, ունի ծանրակշիռ ներկայություն ու հետևորդների մեծ բանակ իսլամադավան ժողովուրդների շրջանում: Այս մասին Գասպարյանը գրել է իր ֆեյսբուքյան էջում եւ հարցազրույցի տեսագրությունը հրապարակել:

«Խոսել ենք իսլամի քաղաքական հավակնությունների, գունավոր հեղափոխությունների արժեքային համակարգերի, շուկայական տնտեսության, Արևմտահայաստանի վերադարձի իրավունքի, ՀՀ-Պակիստան հարաբերությունների, Ադրբեջանի սանձազերծած պատերազմի ու Թուրքիայի հակահայկական քաղաքականությունը կասեցնելու հարցում իսլամական աշխարհի անելիքների մասին:

Մի քանի կարևոր մեջբերում աշխարհահռչակ Շեյխի մտքերից․

- Ղուրանն իրավունք է տալիս հայերին վերադառնալ իրենց հայրենիք` Արևմտյան Հայաստան:

- Ադրբեջանն իսրայելական ԱԹՍ-ներով ու զենքով կեղեքիչ պատերազմ սկսեց Հայաստանի դեմ: Ադրբեջանն Իսրայելի կատարածուն է:

- Հայաստանն ամենակարևոր երկիրն է ինձ համար քրիստոնեական աշխարհում, իսկ Պակիստանը՝ մուսուլմանական աշխարհում:

-Դուք չեք կարող աղքատության մեջ ապրող մարդկանց փոխել բարեգործության միջոցով։

- Թուրքիան իսլամական աշխարհի տրոյական ձին է, որը ծառայում է ՆԱՏՕ-ին, բայց դա նրան չի հաջողվի:

- Ամենավտանգավոր զենքը, որ նեռն ունի, արժեզրկումն ու այլասերումն է։ Գլոբալիզացիան ու ժամանակակից արևմտյան քաղաքակրթությունը մարդկությանը տանում է նոր ստրկության:

- Երբ մենք նվաճենք Կոստանդնուպոլիսը, ոչ միայն Բոսֆորը բաց կլինի մեզ համար, այլև կվերադարձնենք Սուրբ Սոֆիան ուղղափառ քրիստոնեական աշխարհին:

Դիտե՛ք մինչև վերջ՝ հասկանալու մեր անելիքներն ու ծանրակշիռ հետևություններ անելու։

Պի՛նդ եղեք»,- գրել է նա։

Այս թեմայով Ոչ մեկն իրավունք չունի հող հանձնելու. առաջարկում եմ ստեղծել ինքնապաշտպանական ջոկատներ (տեսանյութ) 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան Չորս գյուղ իրական Հայաստանից դարձավ պատմական Հայաստան․ պատմաբան Կա՞ն մարդիկ, ովքեր ցանկանում են ապրել այնպիսի Հայաստանում, որտեղ չեն ընդունում պատմական Հայաստանը․ Խոջաբաղյան