«Թուրքիան և Ադրբեջանը նախապայմաններ դնում են, իսկ Հայաստանը՝ ոչ». Դ. Բաբայան

Թուրքիայի նախագահ Ռեջեփ Թայիփ Էրդողանը, թուրքական պետական «TRT» լրատվամիջոցին տված հարցազրույցում, անդրադառնալով հայ-թուրքական հարաբերություններին,  ընդգծել է, որ Ադրբեջանն ի սկզբանե Թուրքիայի համար եղել է կարմիր գիծ, և որ Ադրբեջանի խնդիրները լուծելուց հետո նոր Անկարան կբացի սահմանները։ Իհարկե, նման հայտարարությունները նորություն չեն, սակայն չեն կարող տեղավորվել ՀՀ կողմից  առաջ տարվող «խաղաղության դարաշրջան», «առանց նախապայմանների հարաբերություններ» հասկացությունների ներքո: Թեմայի շուրջ  ԼՈՒՐԵՐ.com-ի հետ զրույցում՝ Արցախի ԱԳ նախարար Դավիթ Բաբայանը նշեց, որ պետք է Էրդողանին շնորհակալություն հայտնել  անկեղծության համար, որովհետև Թուրքիան և Ադրբեջանը երբեք իրենց նպատակները չեն թաքցրել:

«Նման հայտարարությունները ոչ այլ ինչ են, քան իրենց պետության քաղաքականության հրապարակայնություն: Պարզ է, որ Թուրքիան ու Ադրբեջանը սերտորեն փոխգործակցում են, ավելին՝ Թուրքիան և Ադրբեջանը դարձել են  աշխահաքաղաքական ու ռազմաքաղաքական մեկ ընդհանուր միավոր  և հանդես են գալիս միասնական՝ բոլոր ճակատներում: Եվ այն  թեզը, որ նրանք հնչեցրել են դեռևս Հեյդար Ալիևի ժամանակ՝ «Երկու պետություն՝ մեկ ազգ», հիմա կամաց-կամաց դառնում է «Մՙեկ պետություն՝ մեկ ազգ»,  որը նոր թափ և արագություն է ստացել 2020թ. պատերազմից հետո»,-նշեց նա: 

Ակներև է, որ առանց նախապայմանների հարաբերությունները ռոմանտիկ գաղափարների շարքից են: 

«Թուրքիան և Ադրբեջանը  նախապայմաններ դնում են,  ու սա նոր բան չէ, իսկ հայկական կողմը, ի դեպ, երբեք նախապայման չի դրել: Իհարկե, հարևանների հետ հարաբերությունները  զարգացնել պետք է, բայց ամբողջ խնդիրը մեկ հարցի մեջ է՝ ինչ գնով, ինչ պայմաններում: Առանց նախապայմանների հարաբերությունները նորմալ են չեզոք երկրների դեպքում, բայց  Թուրքիայի և Ադրբեջանի պարագայում այդպես չէ, որովհետև նրանք ունեն աշխարհաքաղաքական օրակարգ, որն առաջ են տանում: Դա միասնական պետության ստեղծումն է, նրանք պանթուրքիստական  գաղափարախոսությունից երբեք չեն հրաժարվել, Էրդողանն ամբողջ աշխարհին ցույց է տալիս այդ քարտեզը: Հետևաբար՝  եթե  նույնիսկ մենք դժվար վիճակում ենք, իսկ մենք պատմական շատ դժվար վիճակում ենք, պետք է սկզբունքային մոտենանք հարցերին: Նրանց  նախապայմանը ոչ թե ինչ-որ տեխնիկական հարց է, այլ  Արցախից հրաժարվելը: Սկզբունքայնությունը երբեք չի կարող անտեսվել: Մենք պետք է  ասենք, որ մեզ համար նախապայմաններն անընդունելի են»,-եզրափակեց Բաբայանը: 

Այս թեմայով Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը. Գեղամյան Վիլյորբան քաղաքի պատվիրակությունն Աբովյանում էր կարևոր հանդիպումների ու հագեցած շրջայցի օրակարգով․ Էդուարդ Բաբայան Բա չիմանանք՝ 1.5 մլն ա, թե ավելի քիչ կամ ավելի շատ, եթե անունները չիմանանք՝ Թուրքիան կասի՝ չի եղել. Անդրանիկ Քոչարյան Թուրքիան սահմանափակել է ավելի քան 50 անուն արդյունաբերական ապրանքների արտահանումը Իսրայել Խաղադրույքների մեջ չոր փողն ինչքա՞ն է կազմում, մարդիկ ինչքա՞ն փող են դնում. Աղազարյան Նոր փոփոխություն Երևանի ավագանու կազմում. ո՞վ է վայր դնում մանդատը. «Փաստ» Եթե Թուրքիան հարձակվի, չեմ կարծում, որ ռուս սահմանապահները մեզ պաշտպանեն. Ալեն Սիմոնյան ԿԲ-ն նոր հուշադրամներ է շրջանառության մեջ դնում «Եթե որևէ մեկն իրեն խեղկատակի տեղ է դնում` իր խնդիրն է». լարված զրույց Փաշինյանի և Մանուկյանի միջև ԱՄՆ-ն և Թուրքիան հակառուսական պատժամիջոցների նոր համակարգ կգործարկեն