Աքորի գյուղում հացկերույթին հաջորդել է վեճ ու վթար․ 36-ամյա կինը վնասվածքներով տեղափոխվել է հիվանդանոց

Հուլիսի 24-ին, ժամը 00.15-ին, հիվանդանոցից ոստիկանություն հաղորդում էր ստացվել, որ գլխի և կրծքավանդակի վնասվածքներով բուժօգնության է դիմել 36-ամյա կին: Նա հայտնել էր, որ վնասվածքներն ստացել է տան աստիճաններից ընկնելու հետևանքով: Ոստիկանության Թումանյանի բաժնի ծառայողները ձեռնարկած միջոցառումների արդյունքում պարզել են, որ կինը վնասվածքները ստացել է այլ հանգամանքներում:

Ոստիկանությունից հայտնում են, որ պարզվել է, որ հուլիսի 23-ին, ժամը 22.00-ի սահմաններում, Աքորի գյուղի մի խումբ բնակիչներ գյուղի վարչական տարածքում հացկերույթի են եղել, ինչից հետո «ՎԱԶ-2106» մակնիշի ավտոմեքենայով գյուղ վերադառնալու ճանապարհին ոչ սթափ վիճակում գտնվող ուղևորների միջև վեճ է սկսվել, հայհոյել և վիրավորել են իրար: «ՎԱԶ-2106»-ի վարորդը զայրանալով՝ սկսել է վարել ավելի արագ, ինչի պատճառով մեքենան սկսել է պտտվել և դուրս գալով երթևեկելի գոտուց՝ բախվել է գազատար խողովակին, այդ ընթացքում էլ 36-ամյա ուղևորուհին մարմնական վնասվածքներ է ստացել:

Կատարված ստուգումներով պարզվել է, որ «ՎԱԶ-2106»-ի վարորդը ոչ միայն մեքենան վարել է ակնհայտ ոչ սթափ վիճակում, այլև չունի վարորդական իրավունքի վկայական:

Պարզվել է նաև, որ դեպքից հետո՝ հուլիսի 25-ի երեկոյան, վիճաբանություն հրահրողները գնացել են 36-ամյա կնոջ տուն, անհիմն վիճել են նրա հետ՝ հնչեցնելով անպարկեշտ արտահայտություններ:

Ձեռնարկված միջոցառումների արդյունքում 36-ամյա կինը հուլիսի 27-ին ներկայացվել է ոստիկանության Թումանյանի բաժին, որտեղ դեպքի վերաբերյալ նրանից ընդունվել է հաղորդում: Ձեռնարկվում են միջոցառումներ՝ միջադեպի մյուս մասնակիցներին, ինչպես նաև «ՎԱԶ-2106»-ը հայտնաբերելու ուղղությամբ:

Կազմված փաստաթղթերն ուղարկվել են նախաքննական մարմին:

Այս թեմայով ԱԺ պատգամավորը տեղափոխվում է Նոյեմբերյանի հիվանդանոց (տեսանյութ) Փաշինյանի 6-ամյա կառավարման 40 ձախողումները Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն Որոնվող 63-ամյա տղամարդու սպանության մեղադրանքով կալանավորվել է Կապանի բնակիչ Շուտով նիկոլիստները կարող են հայտարարել, որ 96-ամյա Լենա տատիկը ՌԴ հատուկ ծառայությունների գործակալ է. Շարմազանով Մետրոյի վագոնի տակ ընկած 28-ամյա տղամարդն Արցախից էր (տեսանյութ) Ո՞նց ես հայի գերեզմանը ծախում, հայի գերեզմանին տեր կա, դու Աստված չունե՞ս. տարեց կինը՝ Փաշինյանին (տեսանյութ) Ի՞նչ տարբերություն, ստեղ քնեմ թե տանը. ես իմ գերեզմանների տերն եմ. 97-ամյա Լենա տատիկ (տեսանյութ) ԱՄՆ-ում հարգանքի տուրք են մատուցել Հայոց ցեղասպանությունը վերապրած 109-ամյա հայ կնոջը Կիրանցի 96-ամյա բնակչուհին համագյուղացիների հետ վաղ առավոտից փակել է Երեւան-Թբիլիսի ճանապարհը