48-ամյա կինը բանալիով բացել էր հարևանի դուռը, գողացել դրամապահոցը ու հրկիզել տունը, որ հետք չմնա

Հուլիսի 24-ի կեսօրին ոստիկանության Նաիրիի բաժնում տարածքային փրկարարական ծառայությունից ստացվել էր հաղորդում, որ Եղվարդ քաղաքի Երևանյան փողոցի մի տան երրորդ հարկից ծուխ է բարձրանում: Մեկնած փրկարարներին բնակիչը հայտնել էր, թե հրդեհն առաջացել է հեռախոսի լիցքավորիչից: Սակայն Նաիրիի բաժնի համայնքային ոստիկանները երկու օր անց ստացան տեղեկություն, որ լիցքավորիչը հրդեհի հետ ոչ մի կապ չունի: Հետագա միջոցառումներով իրավապահներն ամբողջացրին կատարվածի պատկերը:

Հուլիսի 24-ին՝ առավոտյան ժամը 10-ին, տուժողների 48-ամյա հարևանուհին, օգտվելով տանտերերի բացակայությունից, բանալիով բացել էր հարևանի դուռը և հեռուստացույցի վրայից գողացել դրամապահոցը: Թղթե և մետաղյա դրամներով այնտեղ եղել էր 60 հազար դրամ: Այնուհետև կից դաշտամիջյան հատվածում կոտրել է դրամապահոցը, վերցրել գումարն ու վերադարձել: Իսկ մոտ երկու ժամ անց, փորձելով թաքցնել գողության հետքերը, կրկին մտել էր հարևանի տուն ու փորձել հրկիզել այն: Բանալին էլ նետել էր աղբարկղը: Բարեբախտաբար, հարևանները շուտ էին նկատել ծուխն ու ահազանգել հրշեջ-փրկարարներին: Հրդեհը հաջողվել էր արագ մարել, սակայն տանտիրոջը հրկիզման պատճառով հասցվել էր ևս 400 հազար դրամի վնաս:

Նաիրիի բաժնի համայնքային ոստիկանների տեղեկություններվ՝ 48-ամյա կինը հարևանի տանն օրեր առաջ սուրճ էր խմել, այդ ընթացքում էլ բանալիների խրձից աննկատ վերցրել էր մուտքի դռան բանալին։
48-ամյա կինը ներկայացվել է տարածքային քննչական մարմնին։

Նախաքննությամբ հանգամանքները պարզվում են:

Այս թեմայով Լոռու մարզում 93-ամյա կնոջ սպանության դեպքի առթիվ նախաքննությունն ավարտվել է Արմավիրում 37-ամյա ամբաստանյալը հայհոյել է դատավորին, սպառնացել, ու ինքնավնասում կատարել Դատախազությունից պահանջում ենք բացել աչքերը և քայլեր ձեռնարկել․ ՀՀԿ ԳՄ-ն՝ քաղաքացու խոշտանգման մասին Երևանում 9-ամյա երեխան խաղալու ժամանակ քարերով վնասել է 2 մեքենա` պատճառելով մոտ 1 մլն դրամի վնաս Սամվել Ալեքսանյանի կինը, դուստրը, այլ կին գործարարներ «տժժում» են Աննա Հակոբյանի կազմակերպած փարթիին Սամվել Ալեքսանյանի կինը տեսանյութ է հրապարակել Աննա Հակոբյանի հրավիրած ընթրիքից, որին մասնակցության վճարը 1 մլն դրամ էր «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա Վանաձորում կարիճի խայթոցի դեպք է գրանցվել. 16-ամյա աղջիկ է տուժել Հույս ունեմ՝ ԱԱԾ հաղորդագրությունը դրսի լսարանին էր ուղղված, եթե կարիքը կար, պետք էր կրակ բացել «Մորս է նեղացրել». դանակահարություն՝ Արթիկում. 17-ամյա բնակչի մոտ հայնաբերվել է մի քանի դանակ, որից մեկը՝ արյունոտ