«Հայրենիք» կուսակցության ներկայացուցիչ Վահե Դոխոյանը մեկնել է եռամսյա հավաքների

Վանաձորի ավագանու անդամ, «Հայրենիք» կուսակցության ներկայացուցիչ Վահե Դոխոյանը գնում է ծառայելու ՀՀ Զինված ուժերի կազմում՝ եռամսյա հավաքներին մասնակցելու շրջանակներում:

«Իշխանության տարբեր ներկայացուցիչների հայտարարությունները ընդդիմադիր ակտիվ գործունեությամբ աչքի ընկնող և հայրենիքի ճակատագրով մտահոգ քաղաքացիներին սահման ուղարկելու մասին, ինչպես նաև ներկայում վարժական հավաքներում ընդգրկված անձանց մեջ ընդդիմադիր ուժերի ներկայացուցիչների չափազանց մեծ քանակը վկայում են  բանակ ուղարկելով ընդդիմադիր քաղաքացիներին «պատժելու» և այլակարծությունը ճնշելու իշխանավորների ցանկության մասին: Սա է այսօրվա իշխանության վերաբերմունքը ՀՀ զինված ուժերին, հայոց բանակին և հայ զինվորին, և հենց այստեղ է գլխավոր տարբերությունը մեր և իրենց միջև…

Սիրելի՛ ընկերներ, ես և իմ բազմաթիվ ընկերները ՀՀ զինված ուժերում ծառայելը մեր պարտքն ենք համարել դեռ տարիներ առաջ պարտադիր զինվորական ծառայության զորակոչվելիս, 2020թ. «Հայրենիք» զորախմբի կազմում 44-оրյա պատերազմին մասնակցելու համար կամավորագրվելիս և մեր պարտքն ենք համարում հիմա՝ եռամսյա վարժական հավաքների մեկնելիս:

ՀՀ օրենսդրության և զինվորական կանոնագրքին համապատասխան՝ ծառայությունս իրականացնելու արդյունքում վերադառնալու եմ քաղաքացիական կյանք ավելի ուժեղ և հաստատակամ, մեր երազած Հայաստանի համար ապրելու և աշխատելու անկոտրուն վճռականությամբ:

Բարի և խաղաղ ծառայություն սահմանին կանգնած բոլոր զինծառայողներին», - Facebook-ի իր էջում գրել է Դոխոյանը։

«Հայրենիք» կուսակցության նախագահ Արթուր Վանեցյանը բարի ծառայություն է մաղթել կուսակցին։

Այս թեմայով Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով Վահե Ղալումյանը գործուղվում է Բելգրադ Ալեն Սիմոնյանի գլխավորած պատվիրակությունը պաշտոնական այցով մեկնել է Լիտվա «Մա՛մ, գիտե՞ս, թե ինչ հայրենիք ունենք». կապիտան Հայկ Ղարսյանն անմահացել է հոկտեմբերի 25-ին Վարանդայում․ «Փաստ» Վարժական հավաքների շրջանակներում քաղաքացու դե-յուրե ծանուցված լինելը կլինի անխուսափելի․ վարչապետ Վարժական հավաքների շրջանակներում քաղաքացին կծանուցվի նաև azdarar.am կայքի միջոցով Ինչպես են ձևավորվում Դեր Զորի ճանապարհը և Լաչինի միջանցքը․ Վահե Հովհաննիսյան «Հրապարակ». «Միասնական հայրենիք»-ի ղեկավար Մհեր Տերտերյանը հայտնվել է ամբաստանյալի կարգավիճակում Մենք ունենք գեր նպատակ, դա մեր հայրենիք վերադառնալն է. Մետաքսե Հակոբյան Չկան օրգանական դաշնակիցներ, կան շահեր, ընդ որում՝ գետնի վրա գտնվող շահեր. Վահե Դավթյան