Բանակի հաշվին միլիոններ դիզածները վնգստոց են բարձրացնում խաղաղությունից խոսողների հասցեին. Վահագն Ալեքսանյան

Աշխարհում ավելի զզվելի բան դժվար գտնվի, քան էժան երեսպաշտությունը։ Այս մասին Facebook-ի իր էջում գրել է ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը:

Նա, մասնավորապես, նշել է. «Երբ 30 տարի շատ հստակ ու ընդգրկուն մի շրջանակ իր որդիներին ամեն կերպ ազատել է բանակում ծառայությունից, լավագույն դեպքում ուղարկել է ծառայության ինչ-որ անվտանգ ու «կուրորտային» մի զորամաս ու երբ դրա փոխարեն զորակոչել է ամենատարբեր ուղղակի ֆիզիկապես ծառայության հետ անհամատեղելի հիվանդություններով տղերքի։

Երբ այդ նույն շրջանակը բանակը դիտարկել է միայն ու բացառապես որպես հարստացման միջոց, ծախել է դրա հետ կապված ամեն ինչ. սպայական կոչումներից մինչև զինվորի շապիկ ու գուլպա, զինվորի ուտելիքն էլ դիտարկել է միայն այն դիտակետով, որ ինչքան քիչ ուտի զինվորը այդքան շատ բաժին կհասնի նրա ուտելիքի հաշվին պահվող խոզերին, դե իսկ զենքի ու սպառազինության մասին էլ չխոսեմ, երբ 2016 թվականին պարոնը խոսում էր 80-ականների արտադրության զենքով հերոսական կռիվների մասին, բանակում չծառայած շատերի մոտ դա անասելի շոկ էր առաջացրել, իսկ ծառայածներս իրար հանդիպելուց քմծիծաղով նշում էինք, որ ծառայության տարիներին զորամասում 1980 թվականի արտադրության ՈՉ ՄԻ զենք կամ սպառազինություն կամ մեքենա նույնիսկ չէինք տեսել. ամենն ավելի հին էր, լավագույն դեպքում 1970-ականների։

Ու հիմա երբ այս՝ իր որդիներին բանակից փախցրած, բանակի հաշվին միլիոններ դիզած նեղ շրջանակն ու դրա արբանյակները մի եզակի վնգստոց են բարձրացնում խաղաղությունից խոսողների հասցեին, ուզում ես ուղղակի երեսպաշտության թանգարան բացել ու սրանց դեմքերը տարբեր ռակուրսներով զետեղել այնտեղ։

Այս սրիկաներից, ի դեպ, հետ չեն մնում հայտնի կուսակցության երիտասարդ անդամները, որոնք տարբեր երկրներից Հայաստան հայրենադարձվելով ու իրենց ընտանիքի բոլոր իգական սեռի ներկայացուցիչների համար հայկական անձնագիր ստանալով, իրենք փիլիսոփայորեն սպասում են 27 տարին լրանալուն, երևի թե ելնելով բացառապես նույն փիլիսոփայական դրդապատճառներից և ոչ թե սպասելով զինապարտության տարիքի ավարտին։

Ու թե ո՞նց է հողը իր վրա այսքան երեսպաշտություն տանում, միայն Աստված գիտի»:

Ավելի վաղ հայտնել էինք, որ ՔՊ-ական մեկ այլ պատգամավոր՝ Արսեն Թորոսյանը գրառում էր արել՝ նշելով, որ խաղաղությունն անգին է. պետք է սթափվել, ընդունել, որ սխալվել են, ինչը հասարակության մեջ մեծ աղմուկ էր բարձրացրել:

Այս թեմայով «Այսօր Հայաստանը մեր բոլորիս աջակցության կարիք ունի»․ Վահագն Չախալյանը երթ է իրականացնում (տեսանյութ) Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել Stop_nikol ակցիան կառավարության շենքի դիմաց. այս պահին ընթանում է նաև կառավարության նիստը (տեսանյութ) Վահագն Խաչատուրյանն ընդունել է Սիրիայի արտակարգ և լիազոր դեսպան Նորա Արիսյանին Վահագն Խաչատուրյանին իր հավատարմագրերն է հանձնել Հայաստանում Հարավային Աֆրիկայի Հանրապետության դեսպան Շոայբ Կասուն Վաղը՝ ժամը 12։00-ին, միացեք կառավարության դիմաց բողոքի ակցիային. իրենք 1+1 եկան, իրենց հնարավոր է կանգնեցնել 1+1-ով. Վահագն Չախալյան «Հրապարակ». Քաղաքապետարանում բյուջեի հաշվին անգլերեն կսովորեն Հինգշաբթի օրը` ժամը 12։00-ին, միացեք կառավարության դիմաց մեր բողոքի ակցիային. Վահագն Չախալյան Թոշակ չեն ավելացնում, բայց ոստիկանների աշխատավարձը նորից բարձրացնում են. «Փաստ» Կասիմ-Ժոմարտ Տոկաևը Վահագն Խաչատուրյանին հրավիրել է այցելել Ղազախստան