Մետրոպոլիտենում ռումբ չի հայտնաբերվել, ահազանգը կեղծ էր

Կարեն Դեմիրճյանի անվան Երևանի մետրոպելիտենը հայտարարություն է տարածել, որում ասվում է, որ մետրոպոլիտենի բոլոր կայարաններում ռումբի առկայության մասին ահազանգը կեղծ է։

«Հարգելի՛ քաղաքացիներ,

Կարեն Դեմիրճյանի անվան Երևանի մետրոպոլիտենի բոլոր կայարաններում

ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խումբը և քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական ջոկատի իրականացրած մասնագիտական զննության արդյունքում պարզվել է, որ ռումբ տեղադրելու վերաբերյալ ահազանգը կեղծ է եղել: Ինչպես միշտ՝ Երևանի մետրոպոլիտենն իր աշխատանքը կվերսկսի վաղը՝ 07.00-ից։ Եվս մեկ անգամ հայցում ենք Երևանի բնակիչների և մայրաքաղաքի հյուրերի ներողամտությունը»,– ասվում է Հայտարարությունում։

Ավելի վաղ ԱԻՆ–ը տեղեկացրել էր, որ «Զվարթնոց» միջազգային օդանավակայանում և քաղաքապետարանում ևս պայթուցիկ սարքավորումներ չեն հայտնաբերվել։

Օգոստոսի 2-ին, ժամը 18։59-ին Ճգնաժամային կառավարման ազգային կենտրոն տեղեկություն էր ստացվել, որ Երևանի քաղաքապետարանում, մետրոպոլիտենի բոլոր կայարաններում, Զվարթնոց միջազգային օդանավակայանում, Բաղրամյան 19 հասցեում, ինչպես նաև զինվորական և քաղաքացիական բոլոր կարևորագույն օբյեկտներում պայթուցիկ սարքեր են տեղադրված։

ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից մեկական մարտական հաշվարկ մեկնել էր վերոնշյալ հասցեներ։

Զվարթնոց միջազգային օդանավակայան էր մեկնել նաև Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական խումբը, իսկ Բաղրամյան 19 հասցե՝ քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական խումբը։

Այս թեմայով Մետրոպոլիտենի երթևեկելի գիծ է դուրս բերվել ևս մեկ 3 վագոնանի շարժակազմ (տեսանյութ) Հոկտեմբերի 2-8-ը գիծ է դուրս բերվել 2766 շարժակազմ. Երևանի մետրոպոլիտեն Երևանի մետրոպոլիտենի երթևեկությունը վերականգնվել է Մետրոպոլիտենի աշխատանքային գրաֆիկում վաղը կլինեն որոշակի ժամային փոփոխություններ Անցած 6 ամիսների ընթացքում վերանորոգվել է 3 շարժակազմ՝ բաղկացած 3 վագոնից. Երևանի մետրոպոլիտեն Այս պահին ևս ընթացքային գծերի և հպակային ռելսի վերականգնման աշխատանքները շարունակվում են. Երևանի մետրոպոլիտեն Մարտի 25-ին Երևանի մետրոպոլիտենը կաշխատի մինչև կեսգիշեր Ամանորի և Սուրբ Ծննդյան տոների առթիվ` Մետրոպոլիտենը աշխատանքներն իրականացնելու է արտակարգ ռեժիմով Այսօր գիծ է դուրս գալու նոր՝ 1 հատ երեք վագոնանի շարժակազմ. Երևանի մետրոպոլիտեն Ժամը 18։00-ի դրությամբ մետրոպոլիտենի երթևեկությունն ամբողջ գծով վերսկսվել է