Մոլդովական փողոցում 72-ամյա տղամարդը դանակահարել է 59-ամյա հարևանին. քրեական հետախույզների և պարեկների բացահայտումը

Երևանի Մոլդովական փողոցի բակերից մեկում երկու հարևան օգոստոսի 1-ին, ժամը 22.00-ի սահմաններում վիճել են, ու վեճի ժամանակ նրանցից ավագը դանակահարել է մյուսին: Այս մասին տեղեկացրին ՀՀ ոստիկանությունից։

«Այդ երեկո մարմնական վնասվածքի վերաբերյալ ոստիկանության Նոր Նորքի բաժնում երկու ահազանգ է ստացվել. առաջինն օպերատիվ կառավարման կենտրոնից էր. հայտնում էին, որ Մոլդովական փողոցում դանակահարություն է եղել, երկրորդ ահազանգն արդեն հիվանդանոցից էր. «գոտկային շրջանի ծակած-կտրած վերք» ախտորոշմամբ բուժօգնության էր տեղափոխվել 59-ամյա տղամարդ:

Օպերատիվ խմբերը և՛ Մոլդովական փողոց, և՛ բժշկական կենտրոն մեկնեցին: Ըստ բժշկի տեղեկանքի՝ տուժողն ի վիճակի չէր ցուցմունք տալու:

Նոր Նորքի քրեական հետախույզները պարեկային ծառայության Երևանի գնդի ոստիկանների հետ իրականացրած միջոցառումներով արագ ճշտեցին, թե որ շենքի մոտ, ստույգ՝ որ հատվածում է կատարվել դեպքը: Արդյունավետ էին նաև ականատես վկաներ հայտնաբերելուն ուղղված միջոցառումները. օպերատիվ հարցումներով ստացված տեղեկությունները վկայում էին, որ կենցաղային հարցերի շուրջ ծագած վիճաբանության ժամանակ տուժողին դանակահարել էր 72-ամյա հարևանը:
Հանցանք կատարած լինելու անմիջականորեն ծագած կասկածի առկայության հիմքով՝ 72-ամյա տղամարդը նույն օրը ձերբակալվեց»,- ասվում է հաղորդագրության մեջ:

Ըստ աղբյուրի՝ տարածքի զննությամբ հայտնաբերվել են դանակ, արնանման հետքեր: Հանգամանքները նախաքննությամբ պարզվում են:

Այս թեմայով Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել ՆԳՆ–ից արձագանքել են ոստիկանությունում մոբիլիզացիա հայտարարելու մասին տեղեկությանը Քաղաքացին դիմել է ոստիկանություն և հայտնել, որ «Արթմեդ» բժշկական կենտրոնում բուժվող իր եղբոր մահվան մեղավորը բժիշկն է Ոստիկանություն տեղափոխված 2 քաղաքացիներից մեկի մոտ, ով անչափահաս է, հայտնաբերվել են թմրամիջոցներ Վնասազերծվել և բաժին է տեղափոխվել նռնակով զինված երրորդ անձը․ ոստիկանություն Անչափահասներին ծխախոտ կամ ալկոհոլ վաճառելն առաջացնում է իրավական հետևանք. Ոստիկանություն Շորթման մեղադրանքով հետախուզվողը ներկայացավ ոստիկանություն Պատժի կրումից խուսափելու համար հետախուզվողը ներկայացավ ոստիկանություն Ոստիկանության յոթ ծառայողի կարգապահական պատասխանատվության են ենթարկել Ոստիկանությունը տեսանյութ է հրապարակել Փոքր Մասրիկում սպանության դեպքից (տեսանյութ)