Ոստիկանության անձնագրային և վիզաների վարչությանը հատկացվեցին հերթերի կառավարման սարքավորումներ

Կառավարությունն իր այսօրվա՝ օգոստոսի 4-ի նիստում որպես նվիրատվություն գույք ընդունելու և գույք ամրացնելու մասին որոշում կայացրեց:

Որոշման հիմնավորման մեջ նշվում է, որ 2022թ․-ի մայիս ամսին «Հայաստանում միգրացիոն քաղաքականության զարգացման միջազգային կենտրոն՝ ICMPD» կազմակերպությունը ՀՀ ոստիկանության անձնագրային և վիզաների վարչությանը՝ որպես տեխնիկական օժանդակություն անվճար, անհատույց հիմունքներով և առանց միգրացիոն քաղաքականության զարգացման միջազգային կենտրոնի նկատմամբ որևէ պարտավորության տրամադրել է հերթերի կառավարման սարքավորումներ՝ առաջարկելով այն ընդունել որպես նվիրատվություն։

Նշված տեխնիկական սարքավորումները՝ որպես նվիրատվություն ընդունելը նպատակ ունի բարձրացնել ՀՀ ոստիկանության անձնագրային և վիզաների վարչության և տարածքային ստորաբաժանումների կողմից քաղաքացիներին մատուցվող ծառայությունների որակը՝ հաշվի առնելով ներկայումս նկատվող հերթերի աճման միտումը, ինչը պայմանավորված է նաև Ռուսաստանի Դաշնությունում բնակվող մեծ թվով ՀՀ քաղաքացիների անձնագիր ստանալու համար ներկայացվող դիմումների աճով։

ՀՀ ոստիկանության անձնագրային և վիզաների վարչությունում և առավել ծանրաբեռնված տարածքային անձնագրային ծառայություններում հերթերը կառավարելու և արագ սպասարկում իրականացնելու նպատակով՝ ՀՀ ոստիկանության ԱՎ վարչությանը տրամադրվել են համակարգչային սարքավորումներ, մասնավորապես` թվով 23 հատ հերթագրման սարքավորումներ /մեկ հատի արժեքը 1200 եվրո է/, 23 հատ տեղեկատվական վահանակներ /մեկ հատի արժեքը 370 եվրո է/ և 1 հերթերի ավտոմատ կառավարման համակարգ /մեկ հատի արժեքը 23 500 եվրո է/:

Հարկ է նկատել, որ ներկայումս ՀՀ ոստիկանության անձնագրային և վիզաների վարչության և առավել ծանրաբեռնված 5 տարածքային ստորաբաժանումներում տեղադրված են հերթերի կառավարման սարքավորումներ, որոնք հնարավորություն են տալիս քաղաքացիներին օգտվել ՀՀ ոստիկանության անձնագրային և վիզաներիվարչության ծառայություններից /այդ թվում՝ առցանց հերթագրման եղանակով/, ինչն արդեն իսկ նկատելիորեն ստեղծում է ՀՀ ոստիկանության ԱՎ վարչության և տարածքային անձնագրային ծառայությունների միջև աշխատանքների համակարգման և քաղաքացիներին ծառայությունների մատուցման առավել որակյալ պայմաններ։

Այս թեմայով Ոստիկանության ակադեմիայի մոտ «Նիվա»-ն բախվել է «KAMAZ»-ին. կան վիրավորներ. shamshyan ՄԻՊ արագ արձագանքման խումբը գտնվում է ՀՀ ՆԳՆ ոստիկանության Տավուշի մարզային վարչության Իջևանի բաժնում Չենք հասցնում ոստիկանության բռնություններին անդրադառնալ, բայց Սամվելի դեպքն աննախադեպ է Վայոց ձորում իրանական համարանիշերով բեռնատարը կողաշրջվել է Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Արամ Հովհաննիսյանը պարգևներ է հանձնել Ոստիկանության մի խումբ ծառայողների Քննարկվել են անտառների պահպանության, ծավալների ավելացման ու գրագետ կառավարման խնդիրները Պաշտպանի ներկայացուցիչներն այս պահին գտնվում են Ոստիկանության ձերբակալվածներին պահելու վայրում՝ Սամվել Վարդանյանին տեսակցելու նպատակով Սամվել Վարդանյանին ծեծի ենթարկելը հնարավոր է բացառապես ոստիկանության ղեկավարության ցուցումով. փաստաբան Արցախի Մարտակերտի շրջանի ոստիկանության բաժնի պետը կասկածվում են անձնական ունեցվածքի գողություն կատարելու մեջ