Ռուսները Վրաստանում ռեկորդային թվով ընկերություններ են գրանցել

2022 թվականի մարտից մինչև հունիս Ռուսաստանի քաղաքացիները Վրաստանում գրանցել են շուրջ 6400 ձեռնարկություններ, ինչը 7 անգամ գերազանցում է 2021 թվականի տարեկան ցուցանիշը։ Այս մասին գրում է РИА Новости-ն՝ հղում անելով Թրանսփարենսի Ինթերնեշնլ-Վրաստան խոշոր հասարակական կազմակերպության ղեկավար Էկա Գիգաուրիի հայտարարությանը։

Ընդհանուր առմամբ, այսօր Վրաստանում գրանցված է մոտ 13,5 հազար ռուսական ընկերություն։ Այսինքն՝ նրանց կեսը երկրում հայտնվել է ուկրաինական իրադարձությունների մեկնարկից հետո։

«Մարտից հունիս ընկած ժամանակահատվածում Վրաստանում գրանցվել է մոտ 6400 ռուսական ընկերություն, ինչը 7 անգամ գերազանցում է 2021 թվականի տարեկան ցուցանիշը», - ասել է Գիգաուրին։

Նա ասել է, որ այդ ընկերությունների մոտ 93%-ը անհատ ձեռնարկատերեր են: Սա վկայում է այն մասին, որ Ռուսաստանի որոշ քաղաքացիներ տեղափոխվել են Վրաստան՝ ձեռնարկատիրական գործունեության նպատակով։

Հունիսի սկզբին Վրաստանի էկոնոմիկայի նախարարության զբոսաշրջության ազգային վարչությունը հայտնել էր, որ 2022 թվականի սկզբից Ռուսաստանից Վրաստան զբոսաշրջային հոսքը նախորդ տարվա նույն ժամանակահատվածի համեմատ աճել է ավելի քան հինգ անգամ։

Այս թեմայով Երևանի բյուջեի աուդիտը կիրականացնեն ավելի փորձառու ընկերություններ ու մասնագետներ Ի՞նչն է խնդիրը, որ Վրաստանում դեղորայքը կրկնակի էժան է, իսկ ՀՀ-ում` ոչ (տեսանյութ) Ապամոնտաժվել են ապօրինի տեղադրված թվով 417 գովազդային վահանակներ ԿԸՀ-ն արտահերթ նիստում Երևանի ավագանու անդամ է գրանցել Հայաստանում «Մայդան» չպետք է լինի, հայերն ու ռուսները թշնամի չեն դառնալու, չպետք է գայթակղվենք Ատեստավորմանը դրական արդյունք է գրանցել ԱԱԾ ծառայողների 20 տոկոսը Ռուսները կսպանեն բոլոր ֆրանսիացի զինվորներին, որոնց կուղարկեն Ուկրաինա. Պետդումայի փոխխոսնակ Պուտինը ռեկորդային թվով ձայներով առաջատար է Ռուսաստանի նախագահական ընտրություններում Մանչեսթեր Սիթին Անգլիայի գավաթի մրցաշարի նոր ռեկորդ է գրանցել Քեյնը Բունդեսլիգայի նոր ռեկորդ է գրանցել