Ձորաղբյուրի «Լիա» խանութի մոտ «Mitsubishi Airtrek»-ը բախվել է գազատար խողովակին և կողաշրջվել. կա 3 վիրավոր

Օգոստոսի 4-ին, ժամը 23։30-ին Կոտայքի մարզային ճգնաժամային կառավարման կենտրոն ահազանգ է ստացվել, որ Ձորաղբյուր գյուղի «Զոնտիկներ» կոչվող տարածքից դեպի ամառանոցներ տանող ավտոճանապարհին տեղի է ունեցել ՃՏՊ․ կան տուժածներ։

ԱԻՆ-ից հայտնում են, որ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Պարզվել է, որ Ձորաղբյուր գյուղում՝ «Լիա» խանութի մոտակայքում, «Mitsubishi Airtrek» մակնիշի ավտոմեքենան դուրս է եկել ճանապարհի երթևեկելի հատվածից, բախվել գազատար խողովակին և կողաշրջվել:

Մինչ փրկարարների կանչի վայր հասնելը՝ ավտոմեքենայի 3 ուղևորները տեղի ուժերով դուրս են բերվել արգելափակումից։

Փրկարարները հոսանքազրկել են ավտոմեքենան, փակել գազի բալոնի փականը և տուժածներին մոտեցրել շտապօգնության ավտոմեքենային․ վերջիններս հոսպիտալացվել են «Սուրբ Գրիգոր Լուսավորիչ» ԲԿ։

Այս թեմայով Վայոց ձորում իրանական համարանիշերով բեռնատարը կողաշրջվել է Կոտայքում «Volkswagen»-ը բախվել է երկաթե արգելապատնեշներին, գլխիվայր շրջվել. զոհ ու վիրավոր կան Փրկարարները հայտնաբերել են վիրավոր լորաճուռակ ժամկետային զինծառայողը «Nissan X-Trail»-ով բախվել է կայանված բեռնատարին Ավտովթար՝ Երևանում․ բախվել են «Porche Cayenne»-ն, «Toyota»-ն և «Subaru»-ն Երևանում՝ ՀՀ Պաշտպանության նախարարության մոտ, բախվել են «Volkswagen»-ն ու կվադրոցիկլը Զինվորական «ԿԱՄԱԶ» է վթարի ենթարկվել, կա 2 վիրավոր. «Հրապարակ» Վթարի հետևանքով ունենք 20 վիրավոր․ Մեղրիի հիվանդանոցի գլխավոր բժիշկ Արագածոտնի մարզում բախվել են «Chrysler»-ն ու «Nissan»-ը. կա 5 վիրավnր Բեռնատարը դուրս է եկել երթևեկելի գոտուց, բախվել եզրաքարին և գովազդային վահանակի սյանը