Ես ապշած եմ ԼՂ շփման գծում Ադրբեջանի կողմից սկսված ռազմական գործողությունից. Կալյուրանդ

ՀՀ-ԵՄ խորհրդարանական գործընկերության կոմիտեի համանախագահ, Եվրախորհրդարանի պատգամավոր «Հարավային Կովկասի հետ հարաբերությունների պատվիրակության նախագահ, Եվրախորհրդարանի պատգամավոր Մարինա Կալյուրանդը հանդես է եկել հայտարարությամբ՝ կապված Լեռնային Ղարաբաղում վերսկսված ռազմական էսկալացիայի հետ:

Հայտարարությունում ասվում է. «Ես ապշած եմ Լեռնային Ղարաբաղի շփման գծում հրադադարի վերջին լուրջ խախտումներից, մասնավորապես օգոստոսի 3-ին Ադրբեջանի կողմից Լաչինի միջանցքի շուրջ և հյուսիս-արևմտյան հատվածում սկսված ռազմական գործողությունից։ Ինչպես խոստովանել է Ադրբեջանի պաշտպանության նախարարությունը, նրա գործողությունը ներառել է ավիահարվածներ անօդաչու թռչող սարքերի կողմից և հանգեցրել է շփման գծում մի շարք շահավետ նոր դիրքերի գրավմանը։

Ես ցավում եմ երկու կողմերի մարդկային կորուստների համար և կոչ եմ անում անհապաղ դադարեցնել ուժի կիրառումը: Կոչ եմ անում բոլոր դերակատարներին ցուցաբերել առավելագույն զսպվածություն և շեշտել, որ բոլոր զորամասերը պետք է նահանջեն իրենց դիրքերը՝ 2020 թվականի նոյեմբերի 9-ի եռակողմ հայտարարության համաձայն։

Ադրբեջանն ու Հայաստանը պատմական հնարավորություն ունեն վերջ դնելու տասնամյակների հակամարտությանը և հիմքեր դնելու խաղաղ և բարգավաճ տարածաշրջանի համար: Ես կոչ եմ անում բոլոր շահագրգիռ կողմերին խուսափել վստահությունը խաթարող և բանակցություններին սպառնացող ցանկացած գործողությունից այս վճռորոշ պահին»:

Այս թեմայով Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար