Պարիս Հերունու աստղադիտակի տարածքում կայանալու է էլեկտրոնային երաժշտության փառատոն և քեմփինք. ահազանգ

Պարիս Հերունու աստղադիտակը և հարակից տարածքը մի քանի տարով տրամադրվել է ինչ-որ ընկերությանը, ում նախաձեռնությամբ այնտեղ սեպտեմբերի 10-12 կայանալու է էլեկտրոնային երաժշտության փառատոն և քեմփինք: Այս մասին հայտնում են Քարահունջ Հայագիտական կենտրոնի ֆեյսբուքյան էջում:

«Վերջերս մեծ վրդովմունքով տեղեկացանք, որ Պարիս Հերունու աստղադիտակը և հարակից տարածքը մի քանի տարով տրամադրվել է ինչ-որ ընկերությանը, ում նախաձեռնությամբ այնտեղ սեպտեմբերի 10-12 կայանալու է էլեկտրոնային երաժշտության փառատոն և քեմփինք ( https://facebook.com/events/s/sensor-festival-2022/1067068340862247/ )։ Փառահեղ գործիքը նրանց կողմից մատուցվում է որպես «լքված աստղադիտակ», «պատմական հուշարձան» և այլն։ 
Հերունու աստղադիտակը ենթակա է վերազինման և վիրաշահագործման, ինչը փաստել են նաև մի շարք արտասահմանյան մասնագետներ, բայց «Ստանդարտացման և չափագիտության ազգային մարմին» ՓԲԸ-ն, որին պատկանում է գործիքը, շարունակաբար խոչնդոտում է այդ գործընթացին, և ինչ-ինչ պատճառով շահագրգռված չէ, որ այն աշխատի իր գործառույթների շրջանակներում՝ ի փառս հայ ազգի գիտական մտքի և ի օգուտ Հայաստանի: 
«Ստանդարտացման և չափագիտության ազգային մարմին» ՓԲԸ-ն, որը պատկանում է ՀՀ Էկոնոմիկայի նախարարությանը, չնայած որ սարքի պահպանման համար պետությունից տարեկան ստանում է 45 մլն դրամ, ոչ միայն այդ միջոցները չի ծախսում սարքի պահպանության նպատակով (գործիքը այնուամենայնիվ չի հսկվում և թալանվում է), այլև աստղադիտակը վարձով տրամադրում է որպես երաժշտական խմբերի հարթակ ( https://youtu.be/kCgCv1L3tnk?t=194 ), տեսահոլովակների նկարահանման ( https://youtu.be/RRjnyBSs8H0 ) և անվաչմուշկներով սահելու տարածք ( https://youtu.be/f6Q6ZLIH4Jw ): 
Վերոնշյալ գործողություններից գործիքը ֆիզիկական վնասներ է կրել, ինչի արդյունքում էլ ավելի են խաթարվել անտենայի ճշգրիտ աշխատանքի պայմանները, և միևնույն ժամանակ այն նվաստասցվել է բարոյապես։ 
Մասնագետների կարծիքով աստղադիտակը պետք է վերականգնվի իր ամբողջական ներուժին համապատասխան, և ծառայի գիտական, ռազմական ու այլ ասպարեզներում իր նպատակներին, որտեղ ապացուցված է դրա գերազանց պիտանելիությունը։ Որպես աստղադիտակ աշխատացվելու պարագայում, իր տեսակի մեջ աշխարհում եզակի այս գործիքը արդյունքում շատ ավելի մեծ եկամուտ, օգուտներ և այլ համբավ կբերի մեր Հայրենիքին։ 
Մոտ օրերին «Քարահունջ հայագիտական կենտրոն» ՀԿ-ն հանդես կգա գործնական քայլերի կոնկրետ ծրագրով»,- ասված է գրառման մեջ։

Այս թեմայով Պայթուցիկի ահազանգ՝ Սլավոնական համալսարանում Ահազանգ ենք ստացել Գյումրիում ՌԴ քաղաքացի Անատոլի Շչետինին առևանգելու եւ ռազմաբազայում ապօրինի պահելու մասին. ՀՔԱՎ Արարատի կոնյակի գործարանում վերահսկողություն կիրականացվի Ահազանգ կա` մանկապարտեզներում երեխաների վրա գոռում են, ճնշում գործադրում. Բաքոյանը նախարարին Գյումրիում 10 տարեկան երեխան 7 ամիս դպրոց չի գնացել, լուրջ հոգեբանական խնդիրներ ունի․ ահազանգ Ես այստեղ եմ՝ ահազանգ հնչեցնելու. Մեծ Բրիտանիայի պաշտպանության նախարարը ժամանել է Կիև «Բարդիներ» ռեստորանն իր տարածքում շների սպանդ է կազմակերպել․ ահազանգ Մենք պատերազմող երկիր ենք, ահազանգ ստացա, որ Բերդի զինվորական հոսպիտալը պետք է փակվի և միավորվի Ահազանգ է ստացվել, որ Պտղունք գյուղի Անի փողոցի տներից մեկի հետնամասում ավտոմեքենա է այրվում Ահազանգ․ պարտադիր զինվորական ծառայության մեկնող զորակոչիկի սիրտը կանգ է առել․ ArmLur.am