Բաքուն մտադիր է «կյանքի ճանապարհից» զրկել արցախցիներին․ թեժ քննարկում՝ ուկրաինական հեռուստաալիքի եթերում

Ուկրաինական Еспресо TV լրատվական հեռուստաալիքն իր եթերում անդրադարձել է Արցախում լարվածության սրմանը։ Այդ մասին ԼՈՒՐԵՐ․com-ին տեղեկացրեց ՀՀ-ում Ուկրաինայի նախկին (առաջին) դեսպան Ալեքսանդր Բոժկոն, որը եղել է հաղորդման մասնակիցներից մեկը։  

Մեզ հետ զրույցում փորձառու դիվանագետը նշեց, որ հաղորդման ժամանակ կարծիք է հայտնել, թե Ղարաբաղում իրավիճակի սրման պատճառներից մեկն Ադրբեջանի կողմից հայ-ադրբեջանական զինադադարի միակողմանի խախտումն էր։ Նա հայտարարարել է, թե ադրբեջանական զինուժի  գործողությունների հետևում կարելի է տեսնել Ադրբեջանի ցանկությունը՝ կտրել, այսպես կոչված, «Լաչինի միջանցքը», որն, ըստ էության, «կյանքի ճանապարհն» է Լեռնային Ղարաբաղի հայ բնակիչների համար։

«Այս կարևորագույն հաղորդակցության ամբողջական վերահսկումը Բաքվին թույլ կտա թելադրել իր պայմանները հայկական կողմին, ճնշում գործադրել նրա վրա՝ պահանջելով մասնավորապես արագացնել Հարավային Կովկասի այս երկու երկրների միջև խաղաղության պայմանագրի ստորագրումը Ադրբեջանի համար շահավետ պայմանների վրա»,- ինչպես նշեց մեզ հետ զրույցում, ուկրաինական ալիքի եթերում հայտարարել է փորձառու դիվանագետը։

Բոժկոն նաև տեսակետ է հայտնել, թե այս սադրանքը տեղի է ունեցել ռուսական խաղաղապահ զորախմբի թողտվությամբ, քանի որ, ըստ նախկին դեսպանի, Մոսկվան ձգտում է պահպանել իր ազդեցությունը Հարավային Կովկասում։

Զրուցեց՝ Արա Ալոյանը

Այս թեմայով Թալանել են փաստաբան Ալեքսանդր Կոչուբաևի ավտոմեքենան․ Էրիկ Ալեքսանյան Գլխարկ, դպրոց, ցնցուղ․ Հայաստանի իշխանությունները բարձրացնու՞մ են իրենց վարկանիշը. Ալեքսանդր Իսկանդարյան (տեսանյութ) Սերբիայի նախագահ, Ռուսաստանի լավ բարեկամ Ալեքսանդր Վուչիչի հետ ջերմ ու բովանդակալից հանդիպումով բացեցի միջազգային շփումների նոր շարքը. Մհեր Ավետիսյան «Մոնթե Մելքոնյանի անվան ռազմամարզական վարժարան»-ի տնօրենի պաշտոնակատար է նշանակվել Ալեքսանդր Մանուչարյանը Ալեքսանդր Պետրակովը՝ Հայաստանի 2023 թ. լավագույն մարզիչ Ալեքսանդր Պետրակովի հետխաղային ասուլիսը (տեսանյութ) Ալեքսանդր Պետրակովը հրապարակել է Հայաստանի ազգային հավաքական հրավիրված ֆուտբոլիստների ցանկը Քերոբյանը Աբու Դաբիում Զիյադ Ալեքսանդր Հայեքի հետ քննարկել է ՀՀ-ում պետություն-մասնավոր գործընկերության հարցերը Եթե պարտվենք Թուրքիային, կզրկվենք ուղեգրի համար հետագա պայքարից․ Ալեքսանդր Պետրակով ՀՀ ԶՈՒ-ն ձեռնարկում է բոլոր անհրաժեշտ քայլերը` իրավիճակի հետագա սրացում թույլ չտալու համար