Կենդանաբանական այգու գորիլաները մարդկանց հետ շփվելու համար նոր տեսակի ճիչեր են հորինել

Անազատության մեջ պահվող գորիլաները ստեղծել են վոկալիզացիայի նոր տեսակ։ Այս մասին, Gazeta.ru-ի փոխանցմամբ, հայտնում է Naked Science-ը։

Կենդանիները հազվադեպ են փոխում իրենց արձակած ձայները: Դրան ունակ են հիմնականում թռչունները, չղջիկները, փղերը և կետաձկանները։ Այժմ Ջորջիայի համալսարանի գիտնականները փաստագրել են գորիլաների նման վարքագիծը:

Փորձն իրականացվել է Ատլանտայի կենդանաբանական այգու ութ գորիլաների մասնակցությամբ։ Թեստի առաջին մասում ներկա է եղել աշխատողներից մեկը, երկրորդում՝ գորիլայի դիմաց (բայց անհասանելի) սնունդը, իսկ թեստի վերջին հատվածում խնամակալն է պահել սնունդը: Պարզվել է, որ վերջին դեպքում կենդանիներն ավելի հաճախ օգտագործում էին այնպիսի ձայն, որն իրենից ներկայացնում է ինչ-որ բան` փռշտոցի և հազի միջև. հետազոտողները այն անվանել են «հմ»:

Միևնույն ժամանակ, գիտնականները բազմաթիվ հաղորդումներ են ստացել, որ նման ձայներ են արձակում Միացյալ Նահանգների և Կանադայի կենդանաբանական այգիների մյուս գորիլաները. ընդհանուր առմամբ 33 կենդանի 11 վայրերում, թեև այդ տվյալները դեռ պետք է ստուգվեն: Ամենից հաճախ այդ ձայները հնչում են ուտելիքով խնամակալին տեսնելուց, ուստի գիտնականները ենթադրել են, որ կենդանիներն այս կերպ են գրավում մարդու ուշադրությունը։

Այս թեմայով «Պետությունից պաշտպանում ենք պետական շահը». գիտնականները ճանապարհ են փակել (տեսանյութ) Միայնակ քնելն ավելի առողջարար է, քան զուգընկերոջ հետ քնելը Գիտնականները պարզել են, որ կանանց արցունքները նվազեցնում են ագրեսիան տղամարդկանց մոտ Գիտնականները պարզել են, որ սեփական այգի ունենալն օգտակար է առողջության համար Գիտնականները ցույց են տվել, թե ինչպիսի տեսք կունենան շները 10 հազար տարի հետո Բացահայտել են կաթնաթթվային բակտերիաների շտամներ. կօգտագործվեն սննդամթերքի կենսապահածոյացման համար Գիտնականները հասկացել են, թե ինչու են քաղցած մկները սննդի փոխարեն նախընտրում սեքսը Կյանքից հեռացել է բուսաշխարհագետ, կենսաբանական գիտությունների դոկտոր Սամվել Բալոյանը Չինացի գիտնականներին հաջողվել է կլոնավորել «սուպերկովերին» Բրիտանական թանգարանները հրաժարվել են «մումիա» բառից