Սառցասարի ուղղությամբ թշնամին առաջխաղացում է ունեցել, բայց մեր վերահսկվող տարածքից որևէ մմ չի զիջվել. Մետաքսե Հակոբյան. «Փաստինֆո»

Սառցասարի հատվածում, նախքան օգոստոսի առաջին օրերին տեղի ունեցած ադրբեջանական հերթական ագրեսիան, Արցախի ՊԲ դիրքերի և թշնամու դիրքերի միջև բավականին հեռավորություն կար։ Հիմա, փաստորեն, դեմ առ դեմ դիրքեր ունենք։ Այդ մասին «Փաստինֆո»-ի հետ զրույցում ասացել է Արցախի ԱԺ «Արդարություն» խմբակցության քարտուղար Մետաքսե Հակոբյանը։

«Այդտեղ մեր ու թշնամու դիրքերի դասավորվածությունն այնպիսին էր, որ որոշակի հատված ոչ մեր կողմից էր վերահսկվում, ոչ էլ թշնամին դիրքեր ուներ։ Հենց այդ տարածքի հաշվին է թշնամին առաջխաղացում ունեցել, բայց մեր ՊԲ զինվորներն իրենց բարձրության վրա են եղել ու մեր վերահսկողության տակ գտնվող տարածքից ոչ մի միլիմետր չի զիջվել։ Ստացվում է, որ հիմա արդեն մեր ՊԲ-ն ու Ադրբեջանի զինված ուժերը դեմ առ դեմ են կանգնած»,-ասաց Հակոբյանը՝ հավելելով, որ այդ ինֆորմացիան սեփական ճշտումների՝ այդ թվում ականատեսների հետ զրույցի արդյունքում է ձեռք բերել։

Արցախի ԱԺ պատգամավորի խոսքով՝ շփման գծի հատվածում սրացումն Ադրբեջանի՝ հերթական իրավական հիմքից զուրկ պահանջը չկատարելու՝ ՊԲ ստորաբաժանումները հետ չքաշելու հետևանքով է եղել։

Հակոբյանը շեշտում է՝ Ադրբեջանն Արցախի հետ կապված ցանկացած հարց քննարկում, ապա պահանջ է առաջադրում ՀՀ իշխանություններին, վերջիններս էլ, ցավոք, չեն կարողանում կառչել տխրահռչակ նոյեմբերի 9-ի այն ամրագրումներից, որոնք քիչ թե շատ կարող են ի օգուտ մեզ ծառայել։ Հակոբյանը, մասնավորապես, նկատի ունի պաշտպանության բանակի գոյության անառարկելի լինելը, որը փաստացի ապահովում է Արցախում ապրող ժողովրդի անվտանգությունը և որևէ կերպ չի հակասում այդ փաստաթղթի որևէ դրույթի։

Այս թեմայով «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին Ինչպես է անցել և ովքեր են ներկա եղել Աննա Հակոբյանի կազմակերպած 1 միլիոն դրամանոց ընթրիքին (տեսանյութ) Անչափելի է այն զգացողությունը, որն ունենում է այն մարդը, որը տալիս է այդ 1 միլիոն գումարը․ Հակոբյան (տեսանյութ) Մենք ունենք գեր նպատակ, դա մեր հայրենիք վերադառնալն է. Մետաքսե Հակոբյան Աննա Հակոբյանը Բրյուսելում ծանոթացել է Ժոզեֆ և Աննի Ալբերների աշխատանքներին Աննա Հակոբյանը Փաշինյանի հետ մեկնել է Բրյուսել․ Factor.am «Հայրենասիրություն խաղալու և փող աշխատելու այլ տեղ գտեք»․ Թաթուլ Հակոբյան Աննա Հակոբյանը ներկա է գտնվել «Նռան գույնը» պարային ներկայացմանը (լուսանկարներ) Աննա Հակոբյանը նշանակվել է «Իմ քայլը» բարեգործական հիմնադրամի տնօրեն Ակնհայտ է, որ Հայաստանն առաջիկայում զինուժը հետ է քաշելու 4 գյուղերից, տեխնիկան արդեն աշխատում է․ Թաթուլ Հակոբյան