Apple-ի աշխատակիցը կարող է հեռացվել TikTok-ի պատճառով, որտեղ բացահայտել է ընկերության «գաղտնիքները»

Apple-ը մտադիր է աշխատանքից հեռացնել աշխատակցին, ով TikTok-ի տեսանյութ է հրապարակել՝ բացահայտելով iPhone-ի անվտանգության հիմնական տեղեկությունները։ Այս մասին հայտնում է The Verge-ը։

Փերիս Քեմփբելը խախտել է ընկերության քաղաքականությունը՝ խոստովանելով, որ աշխատել է Apple-ում և հրապարակել ապրանքանիշի գործունեության հետ կապված կոնտենտ: Ընկերության՝ սոցիալական ցանցերում հրապարակումների մասին բաժնում ասվում է, որ աշխատակիցները չպետք է առցանց տեղեկատվություն հրապարակեն հաճախորդների, գործընկերների կամ գաղտնի տվյալների մասին:

«Ես չեմ կարող խոսել այն մասին, թե ինչպես գիտեմ դա, բայց վերջին վեց տարիների ընթացքում ես աշխատում եմ՝ որպես հավաստագրված ինժեներ մի ընկերությունում, որը սիրում է խոսել մրգերի մասին: Ձեր հեռախոսն անիմաստ իր է նրանց [հակերների] ձեռքում, և միակ մարդը, ով կարող է օգնել նրանց, դուք եք, և հավանաբար դուք դա չեք անի»,- ասել է Քեմփբելը TikTok-ում:

Տեսանյութը տարածվել է՝ մեկ օրում հավաքելով ավելի քան 5 միլիոն դիտում։ Քեմփբելը այնուհետև զանգ է ստացել իր մենեջերից, ով պահանջել է հեռացնել տեսանյութը, այլապես նրան կստիպեն քայլեր ձեռնարկել՝ «ընդհուպ մինչև աշխատանքից ազատելը»: 

Այնուհետ Քեմփբելը հրապարակել է երկրորդ տեսանյութը, որում նա արդեն ուղղակիորեն ասել է, որ Apple-ի աշխատակից է, և սպասում է տեղեկությունների՝ իրեն կազատե՞ն աշխատանքից, թե՞ ոչ։ Կնոջ խոսքով՝ իր տեսանյութերում գաղտնի տեղեկատվություն չկա՝ իր ասածն արդեն հայտնի փաստ է։

Apple-ը դեռևս պաշտոնական մեկնաբանություն չի տվել այս հարցի վերաբերյալ։

Related Articles Several RA citizens received email from Apple that they were attacked by the Pegasus spyware What are Apple's most powerful devices? Smartphones did not even make it to top five Apple will present new iPad Pro and iPad Air tablets in early May: What changes will they have? EU to target Apple, Google, Meta in Digital Markets Act probes Apple accused of monopolizing smartphone markets in US antitrust lawsuit Armenia PM video on TikTok: I’m starting ‘Conversations about the State’ series starting today Apple already designs new generation MacBook Pro with the M4 chip The House of Representatives unveils bipartisan bill to ban TikTok The European Commission launched an investigation into TikTok Apple's A18 chip to be used in iPhone 16 Pro and Pro Max will have enhanced NPU for new AI functions