Բժիշկները պատմել են ինտիմ հարաբերությունների ժամանակ ամենատարածված վնասվածքների մասին

Ամենատարածված վնասվածքներից մեկը, որը կարող է առաջանալ սեքսի ժամանակ, տղամարդկանց մոտ առնանդամի կոտրվածքն է և կանանց մոտ հեշտոցային լորձաթաղանթի վնասումը, ասել են բժիշկներ Ալեքսանդր Լյուբեննիկովը և Օլգա Կապլինան։ Lenta.ru-ին տված հարցազրույցում նրանք նշել են ամենահայտնի վնասվածքները, որոնց կարող է հանգեցնել մտերմությունը։

Վնասվածքներ, որոնք կարող են առաջանալ տղամարդկանց մոտ սեքսի ժամանակ

Ըստ վիճակագրության՝ զույգերի 30 տոկոսը առնվազն մեկ անգամ սեռական շփման ժամանակ տարբեր տեսակի վնասվածքներ է ստացել, մինչդեռ սեքսի ժամանակ վնասվածքներն ավելի հաճախ հանդիպում են տղամարդկանց մոտ, վստահ է ուրոլոգ, անդրոլոգ, բժշկական գիտությունների դոկտոր, Ուրոլոգիայի եվրոպական ասոցիացիայի անդամ Լյուբեննիկովը:

Նրա խոսքով, տղամարդկանց մոտ ամենից հաճախ նկատվում է առնանդամի ֆրենուլումի պատռվածք՝ մաշկի ծալք, որը գտնվում է առնանդամի գլխին՝ միզուկի բացվածքի շրջանում։ Ֆրենուլումի պատռումը ուղեկցվում է ցավով և արյունահոսությամբ, մինչդեռ արյունահոսությունը կարող է բավականին ինտենսիվ լինել։

Նմանատիպ իրավիճակի դեպքում մասնագետը խորհուրդ է տվել նախևառաջ պատռվածքի տեղը բուժել ջրածնի պերօքսիդով և ալկոհոլ չպարունակող հակասեպտիկով, օրինակ՝ քլորիխիդինի ջրային լուծույթով։ Այնուհետև անհրաժեշտ է վիրակապ դնել և մատներով 10 րոպե սեղմել պատռվածքը, որից հետո հնարավորինս շուտ դիմել բժշկի, քանի որ կարի կարիք կարող է լինել։

Տղամարդկանց մեկ այլ տիպիկ վնասվածք սեռական հարաբերության ժամանակ առնանդամի կոտրվածքն է: Սա ոչ այնքան հաճախակի, սակայն չափազանց տհաճ իրավիճակ է, նշել է նա։

Վնասվածքներ, որոնք կարող են առաջանալ կանանց մոտ սեքսի ժամանակ

Իր հերթին գինեկոլոգ Կապլինան նշել է, որ կանանց մոտ տարածված վնասվածքը հեշտոցի լորձաթաղանթի պատերի վնասումն է կամ պատռվածքը։ «Այս վնասվածքը տեղի է ունենում շատ կոպիտ կամ ինտենսիվ սեռական հարաբերությունների ժամանակ: Հնարավոր է նաև, եթե զույգը սեքսի ժամանակ հատուկ «խաղալիքներ» օգտագործի։ Երբ սեռական տրակտը վնասվում է, առաջանում է վերք, այրվածք և անհարմարություն: Եթե ​​վնասվածքը ծանր է, կարող է արյունահոսություն սկսել և ուժեղ ցավ առաջացնել: Այս վիճակը պահանջում է շտապ բժշկական օգնություն»,- պարզաբանել է նա։ Հյուսվածքների վնասվածքի ռիսկը նվազագույնի հասցնելու համար ինտիմ հարաբերությունների ժամանակ պետք է օգտագործել հատուկ քսանյութեր, իսկ նախապատվությունը տալ փոքր չափի սեքս խաղալիքներին, ավելացրել է բժիշկը։

Նաև սեքսի ժամանակ կնոջ մոտ կարող է առաջանալ քոր, լորձաթաղանթների այտուցվածություն և ցան: Այս ախտանիշները միշտ չէ, որ վկայում են վարակի մասին: Դրանք կարող են առաջանալ քսանյութերի, սպերմիցիդների կամ պահպանակների ռեակցիայից, ասել է Կապլինան: Ալերգիայի կանխարգելման համար անհրաժեշտ է բացառել ոչ պիտանի միջոցները։ Բացի այդ, ըստ նրա, հաճախ լինում են «այրվածքներ»՝ մաշկի վնասում, որն առաջանում է կոպիտ մակերեսին (օրինակ՝ գորգի) հետ քսելու ժամանակ։

Այս թեմայով Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար) Ջոն Սինան «Օսկար»-ի բեմ է դուրս եկել ամբողջովին մերկ (լուսանկարներ) Բրեդլի Կուպերը նախընտրում է տանը «միանգամայն մերկ» շրջել «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Ֆլորենս Փյուն պատահաբար ցուցադրել է կուրծքը ֆիլմի պրեմիերայի ժամանակ (լուսանկարներ) Գերմանացի արքայադուստրն ամսագրի շապիկին հայտնվել է մերկ վիճակում (լուսանկար) ԱՄՆ-ում ոստիկանները ձերբակալել են օդանավակայանում մերկ վիճակում քայլող տղամարդուն (լուսանկարներ)