ՈւԵՖԱ-ն պատրաստվում է պատժամիջոցներ կիրառել «Բարսելոնայի», «Յուվենտուսի» և «ՊՍԺ»-ի դեմ

Եվրոպական ֆուտբոլային ասոցիացիաների միությունը (ՈՒԵՖԱ) պատրաստվում է պատժամիջոցների փաթեթ ներմուծել Հին աշխարհի 10 խոշոր ակումբների դեմ։ Ինչպես հայտնում է բրիտանական The Times թերթը՝ վկայակոչելով իրազեկ աղբյուրների, սա պատիժ է ֆինանսական fair play-ի խախտման համար։

Նշվում է, որ ավելի վաղ Ֆրանսիայում խոսել են «ՊՍԺ»-ի և «Մարսելի» դեմ պատժամիջոցների մասին։ Այժմ ակումբների ցանկն ընդլայնվում է՝ բացի Ֆրանսիայի լիգայի ներկայացուցիչներից՝ պատժամիջոցների տակ կարող են հայտնվել իսպանական «Բարսելոնան», իտալական «Յուվենտուսը», «Ինտերը» և «Ռոման», ինչպես նաև անգլիական «Արսենալը»:

Խախտումներ, որոնց համար կարող են պատժվել ակումբները, գրանցվել են կորոնավիրուսային պանդեմիայի ժամանակ։ Հրատարակությունը պարզաբանում է, որ բոլոր պատժամիջոցները կրելու են ֆինանսական բնույթ և կհամաձայնեցվեն ակումբների հետ։ Սակայն եթե ակումբներից մեկը համաձայնության չգա, ՈւԵՖԱ-ն իրավունք կունենա որոշում կայացնել միակողմանիորեն։ Այնպես որ, չի բացառվում, որ նման միջոց կիրառվի «Բարսելոնայի» և «Յուվենտուսի» նկատմամբ, որոնց առաջնորդները հակասության մեջ են ՈւԵՖԱ-ի հետ Սուպերլիգայի ստեղծման նախաձեռնության պատճառով։

Հատկանշական է, որ կան ևս 10 ակումբներ, որոնք նույնպես կարող են պատժվել ֆինանսական fair play-ի խախտումների համար։ Բայց դրանք դեռ դիտարկման տակ են. նրանց ներկայացուցիչները պետք է թարմացված հաշվետվություններ ներկայացնեն անցած սեզոնի ֆինանսական գործունեության վերաբերյալ։

Այս թեմայով «Բարսելոնա»-ն և «Ատլետիկո»-ն հաղթել են ՉԼ քառորդ եզրափակչի առաջին խաղերում Հայկ Կարապետյանը՝ «Միլան»-«Ռոմա» հանդիպման ՈւԵՖԱ-ի մեդիա պատվիրակ «Բարսելոնա»-ն մտադիր է ձեռք բերել Էրլինգ Հալանդին 2025 թվականին Մայիսի 3-ին և 5-ին Մարզահամերգային համալիրում կանցկացվի ՈՒԵՖԱ-ի ֆուտզալի Չեմպիոնների լիգայի եզրափակիչ փուլը «Բարսելոնա»-ն և «Արսենալ»-ը Չեմպիոնների լիգայի քառորդ եզրափակչում են ՈՒԵՖԱ-ի ֆուտզալի չեմպիոնների լիգայի եզրափակիչը Երևանում անցկացնելու համար Կառավարությունը շուրջ 280 մլն դրամ կհատկացնի Հայկ Կարապետյանը՝ «Սպարտա Պրահա»-«Լիվերպուլ» հանդիպման ՈւԵՖԱ-ի մեդիա պատվիրակ Բարսելոնա քաղաքում փետրվարի 26-ին մեկնարկել է «Համաշխարհային բջջային կոնգրես 2024» միջազգային ցուցահանդեսը Էդգար Մանուկյանը՝ Սերվեթ-Լուդոգորեց հանդիպման ՈՒԵՖԱ-ի պատվիրակ Հաստատվել է ՈՒԵՖԱ Ազգերի լիգայի խաղացանկը