Դաջվածքի թանաքը կարող է քաղցկեղածին նյութեր պարունակել

Նյու Յորքի պետական ​​համալսարանի գիտնականները պարզել են, որ դաջվածքների թանաքը պարունակում է նյութեր, որոնք նշված չեն բաղադրության մեջ և կարող են վտանգավոր դառնալ, երբ ենթարկվում են լույսի, բակտերիաների կամ լազերի՝ պիգմենտը հեռացնելու համար: Աշխատանքի մասին հեղինակները զեկուցել են Ամերիկյան քիմիական ընկերության (ACS) հանդիպման ժամանակ:

Հետազոտողները պարզել են, որ մինչ օրս վերլուծված 56 տարբեր տեսակի թանաքից 23-ը վկայում է ազոներկի առկայության մասին: Թեև շատ ազոպիգմենտներ առողջական խնդիրներ չեն առաջացնում, դրանց հատկությունները կարող են փոխվել բակտերիաների կամ ուլտրամանուշակագույն լույսի ազդեցության տակ. դրանք կարող են պիգմենտները քայքայել ազոտի վրա հիմնված մեկ այլ միացության, որը պոտենցիալ քաղցկեղածին է:

Պարզվել է նաև, որ որոշ արտադրողներ չեն նշում ապրանքի ամբողջական բաղադրությունը։ Օրինակ, մի դեպքում էթանոլը նշված չէ, սակայն քիմիական վերլուծությունը ցույց է տալիս, որ այն առկա է թանաքի մեջ: Բացի այդ, թիմը վերլուծել է 16 թանաք՝ օգտագործելով էլեկտրոնային մանրադիտակ: Թանաքի մոտավորապես կեսը պարունակել է 100 նմ-ից փոքր մասնիկներ: Այս չափի մասնիկները կարող են ներթափանցել բջջային թաղանթ և վնաս պատճառել:

Գիտնականները նաև հարցազրույց են անցկացրել դաջվածք անող արտիստների հետ, ովքեր կարող էին արագ որոշել թանաքի՝ իրենց նախընտրած ապրանքանիշը, բայց քիչ բան գիտեին բաղադրության մասին: 

Այս թեմայով Արգենտինայի նախագահի խորհրդականի ձեռքին ռուսերեն դաջվածք են հայտնաբերել Աղջիկը դաջվածք է արել ու արտասվել արդյունքի պատճառով (լուսանկարներ) Բրիտանուհին ակնագնդերին արված դաջվածքների պատճառով գրեթե կուրացել է Աղջիկը դաջվածք է արել դեմքին և երեք օր անց այն հայտնաբերել մատի վրա (լուսանկարներ) Տղամարդը կոշիկի դաջվածք է արել ոտքերին, քանի որ «հոգնել է վճարել» նոր կոշիկների համար Էմիլի Ռատակովկին դաջվածք է արել մեկամյա որդու մարմնին (լուսանկարներ) Ամբողջ մարմնի վրա 150 դաջվածքով մոդելը ցուցադրել է մաքուր մաշկով հին լուսանկարները Տղամարդը կտրել է իր քիթն ու ականջներն` այլմոլորակայինի նմանվելու համար (լուսանկարներ) Մոդելն իր դաջվածքների և պիրսինգների վրա ծախսել է 38 հազար ֆունտ (լուսանկարներ)