Սփյուռքը չպետք է խառնվի Հայաստանի և Արցախի խնդիրներին․ Մարթեն Յորգանց

Շատերիս մանկությունն անցել է ֆրանսահայ երգիչ Մարթեն Յորգանցի լուսավոր ու կենսատու երգերի ներքո․ հեռավոր 90-ականներին, մթի ու ցրտի դժվարին տարիներին, նրա մանկական, հայրենասիրական երգերը, որոնք կարճ ժամանակում հիթեր դարձան ու առ այսօր սիրված են, իսկապես ապրեցնում էին, ոգեշնչում։ 

Ֆրանսիայում բնակվող արտիստը ԼՈՒՐԵՐ․com-ի հետ զրույցում նշեց, որ հետևում է Հայաստանի ու Արցախի շուրջ տեղի ունեցող իրադարձություններին, բայց այդ հարցում իր հստակ դիրքորոշումն ունի։ 

«Իմ կարծիքով, սփյուռքը չպետք է խառնվի Հայաստանի և Արցախի խնդիրներին։ Սփյուռքը կարող է օգնել միայն նյութական ձևով։ Իսկ Հայաստանի ժողովուրդը միասնականության կարիք ունի, պետք է անպայման համախմբվել ու հաղթահարել բոլոր դժվարությունները»,-նշեց Յորգանցը։

Նա նաև տեղեկացրեց, որ այս սեպտեմբերին ծրագրում է գալ Հայաստան։

«Վերջին անգամ հայրենիքում եղել եմ 2020 թվականին։ Ընդհանրապես Հայաստան գալիս եմ ամեն տարի, սիրահարված եմ Հայաստանին, իմ հայրենիքին։ Նախատեսում եմ սեպտեմբերին նորից գալ և հավանական է՝ համերգային ծրագրով»,-ընդգծեց անվանի երաժիշտը։

Հարցին, թե ՀՀ ներկայիս իշխանություններից ինքը երբևէ հրավեր ստացե՞լ է՝ համերգով հայաստանյան հանդիսատեսին ներկայանալու կամ այլ նախաձեռնությունների միանալու, Յորգանցը բացասական պատասխան տվեց։

Ամեն դեպքում, Երևանում նրան միշտ էլ սիրով են սպասում։

Արա Ալոյան

Այս թեմայով Փաշինյան-Սինանյան տանդեմը ցանկանում է վերահսկելի և «գրպանային» Սփյուռք ստեղծել Հայաստան-Սփյուռք միասնությունը վերականգնելու համար անհրաժեշտ է նոր՝ «երրորդ ուժի» ձևավորումը Հայկ Ազիզբեկյանը նշանակվել է Նիդերլանդներում սփյուռքի գործերի հանձնակատար Ինչպես են ՀՀ իշխանություններն իսպառ փոշիացրել Սփյուռքի վստահությունը Արամ Ա Վեհափառ Հայրապետն ու Լիլիթ Մակունցը քննարկել են Հայաստան-Սփյուռք հարաբերությունները Դուք ձեզ ցանկալի մարդկանց հրավիրեցիք Հայաստան-Սփյուռք վեհաժողովին. Խաչատրյանը՝ Սինանյանին «ՀՀ-Սփյուռք հարաբերությունները չպետք է կախված լինեն որևէ մի ղեկավարի հայացքներից կամ ցանկություններից» (տեսանյութ) Իրականությունից կտրվածները. ՔՊ-ականների միֆերը սփյուռքի մասին Քննարկվել են Հայաստան-Հունաստան-Կիպրոս սփյուռքի հարցերով եռակողմ հուշագրի դրույթների իրականացմանն առնչվող հարցեր ՀՀ վարչապետն ու Շվեդիայի խորհրդարանի հայազգի պատգամավորն անդրադարձել են Հայաստան-սփյուռք կապերի ամրապնդմանը