Ամերիկյան ընկերությունները գաղտնի միջոց են գտել ՌԴ-ի հետ առևտուր անելու համար
ԱՄՆԱմերիկյան նայն ընկերությունները, որոնք լքել են ռուսական շուկան Ուկրաինայի հակամարտության պատճառով, Թուրքիայի միջոցով Ռուսաստանի հետ գաղտնի առեւտուր անելու տարբերակ են փնտրում:
Այս մասին գրում է Yeni Şafak-ը՝ վկայակոչելով թուրքական գործարար շրջանակների աղբյուրները:
Ըստ այդմ, ամերիկյան շատ ընկերություններ, որոնք ցանկանում են շրջանցել Արևմուտքի հակառուսական պատժամիջոցները, առաջարկում են թուրքական ընկերություններին համատեղ բիզնես վարել՝ որոշակի վերահսկողություն սահմանելու դիմաց: Նշվում է, որ վերջին ամիսներին նման առաջարկների թիվն աճել է:
Թուրքական պարբերականը նշում է, որ այժմ ամերիկյան ընկերություններն իրենց բիզնեսն իրականացնում են Ռուսաստան-Թուրքիա-Դուբայ-ԱՄՆ երթուղով՝ Ռուսաստանից ապրանքներ գնելու միջոցով:
Հատկանշական է, որ Թուրքիան այսօր ՆԱՏՕ-ի անդամ միակ երկիրն է, որը պատժամիջոցներ չի սահմանել Ռուսաստանի դեմ Ուկրաինայում շարունակվող ռազմական հատուկ գործողության պատճառով: