Մեր առաջնահերթություններից է՝ համայնքների զարգացումը․ այնտեղ ապրող մարդի՛կ են պահում պետությունը․ Մանե Թանդիլյան 

Օգոստոսի 31-ից մեկնարկել է 2022 թ․ սեպտեմբերի 25-ին Հայաստանի տարբեր համայնքներում տեղի ունենալիք ավագանու ընտրությունների պաշտոնական քարոզարշավը։ «Ապրելու երկիր» կուսակցությունն այս անգամ ևս ակտիվորեն մասնակցում է ընտրապայքարին, համայնքի ղեկավարի և ավագանու անդամների թեկնածուներ ունի 6 համայնքներում։

«Պատասխանատու և նվիրված մեր թիմերով մենք մասնակցում ենք ընտրություններին 6 համայնքում՝  Սիսիան, Թալին, Չարենցավան, Գյուլագարակ, Լոռի Բերդ, Ալավերդի։ Ի դեպ, այս ցուցանիշով մենք ամենամեծ մասնակցություն ունեցող քաղաքական ուժն ենք իշխող կուսակցությունից հետո՝ բարձրացնելով անցած տարի մեր իսկ սահմանած նշաձողը 35% մասնակցությամբ»։

Այս մասին ԼՈՒՐԵՐ․com-ին ասաց «Ապրելու երկիր» կուսակցության համահիմնադիր, նախագահ Մանե Թանդիլյանը, նշելով, որ իրենք համայնքներում ներկայացված  ավագանիներով երկրորդ քաղաքական ուժն են։ Մեր առաջնահերթություններից է՝ համայնքների զարգացումը և վստահ ենք, որ երկիրը սկսվում է հենց համայնքներից, նկատում է մեր զրուցակիցը և ընդգծում, որ համայնքներում ապրող մարդիկ են, որ պահում են պետությունը։ 

«Ամենափոքր բանը, որ կարող ենք անել, մեր վրա պատասխանատվություն վերցնելն է՝ թեթևացնել և լուծել նրանց ամենօրյա հոգսերը»,-շեշտեց քաղաքական գործիչը։

Դիտարկմանը, թե «Ապրելու երկիրը» ինչպե՞ս է պատրաստվում լսելի դարձնել իր ուղերձը, այն դեպքում, երբ ներքաղաքական իրողությունները, ընդդիմություն-իշխանություն հարափոփոխ պայքարը մի տեսակ մոլորեցրել են ժողովրդին, սովորական ընտրողին, Թանդիլյանն ասաց․

«Մեկ անգամ արդեն ասել եմ, նորից կրկնեմ՝ մեզ շատ քիչ է հետաքրքրում, թե ներհայաստանյան քաղաքական քարոզչամեքենան ինչ կարծրատիպեր է գեներացնում։ Առավել կարևոր է, որ մենք մեր աշխատանքով և մեր ամենօրյա գործունեությամբ մեր սիրելի հայրենակիցներին հնարավորություն չթողնենք ընկնել այդ թակարդը՝ մեզ հետ ուղիղ, անմիջական և ազնիվ շփումների միջոցով։ Ուրախ եմ նկատել, որ այս հարցում մենք հաջողել ենք՝ մեր հասարակության հետ մեր երկխոսությունը ստացվում է և իր դրական արդյունքներն արդեն տալիս է»։

Արա Ալոյան

Այս թեմայով Ինձ համար Հայաստանի սահմանն այնտեղ է, որտեղ կարող է կանգնել հայ զինվորը. Բագրատ Սրբազան (տեսանյութ) Անձամբ ՄԻՊ-ի հետ հանդիպում եմ պահանջում․ ինձ անհիմն և անօրինական են պահում կալանքի տակ․ Տոնոյան Ռուբեն Վարդանյանը գնում է այս ծայրահեղ քայլին, որովհետև նրա մեջքին այդպես էլ հայկական պետությունը չկանգնեց. Հովհաննես Ավետիսյան 2 կոպեկ են առնում, խանութը հոր գներն ա դրել վրեն, մարդիկ առևտրով տուն են պահում, բա ո՞նց ապրեն ՀԱՊԿ-ի խաղաղապահները գալու էին, և աստիճանաբար լուծարվելու էր մեր պետությունը. Փաշինյան Մեր պետությունը մեծ դրեյֆի մեջ է, պատկերացրեք՝ բաց ծովում ինքն իրենից անկախ գնում է․ Հովհաննիսյան Ինչպես ձեր տունն եք շենացնում ու կանգուն պահում, այնպես էլ ձեր լուման ներդրեք մեր հայրենիքի շենացման գործում. Ծառուկյան Ինչ ներկայացվեց, միայն ծիծաղի առարկա է. Գյումրիում ապրող բնակչության տեղը պատասխան պետք է տա Վարդան Ղուկասյանը՞ Չեմ հասկանում, թե որ շիզոֆրենիկ նոպայի հետևանքով է Աշոտյանին պահում կալանքի տակ. փաստաբան Անպաշտպան վիճակում կհայտնվենք, Բաքուն չի պահում պայմանավորվածությունները, չպիտի հրաժարվենք հայցերից