ԱՄՆ-ն Հարավային Կովկասում ակտիվանալու շատ պատճառներ ունի․ թիվ մեկ նպատակը՝ ՌԴ-ին ռեգիոնից դուրս մղելն է․ միջազգայնագետ

Դեռևս անցյալ տարի նախագահ Ջո Բայդենը հայտարարեց, թե ԱՄՆ-ին անհրաժեշտ է կենտրոնանալ նոր մարտահրավերների վրա, այդ թվում`Ռուսաստանի և Չինաստանի հետ կապված: Այսօր Սպիտակ տան ղեկավարի արտահայտությունը միսուարյուն է ստացել հատկապես Ուկրաինայի պարագայում, որտեղ պատերազմի հիմնական մոդերատոր և կուրատոր է համարվում Վաշինգտոնը։ 

Զուգահեռաբար, Միացյալ նահանգները աշխուժանալու փորձեր է անում նաև թայվանական նեղուցում, Հարավային Կովկասում և այլն։ Այս փուլում ո՞րն է ԱՄՆ-ի ակտիվության հայտը մեր տարածաշրջանում և ի՞նչ կարող է տալ դա հայկական կողմին։

«Միացյալ Նահանգների հիմնական խնդիրը Հարավային Կովկասում եթե ոչ տարածաշրջանից Ռուսաստանին դուրս մղելն է, ապա բալանսավորումն է։ Սա ԱՄՆ-ի թիվ մեկ առաջնահերթությունն է և այս ուղղությամբ Վաշինգտոնը շատ ակտիվ աշխատում է»-ԼՈՒՐԵՐ․com-ի հետ զրույցում նշեց միջազգայնագետ Սուրեն Սարգսյանը։

Նրա խոսքով, այս ուղղությամբ կա հստակ ռազմավարություն և արվում են կոնկրետ քաղաքական քայլեր։

«Ակնհայտ է, որ մեր տարածաշրջանը ԱՄՆ-ի համար հետաքրքիր է, որովհետև մեր ռեգիոնի հարևաններից՝ Թուրքիան ԱՄՆ-ի ռազմավարական դաշնակիցն է, ՆԱՏՕ-ի անդամ, որը դաշինքում հավանաբար 2-րդ հզորագույն բանակն ունի»,-նկատեց մեր զրուցակիցը։

Սարգսյանը մատնանշեց նաև տարածաշրջանային հարևաններից Իրանի գործոնը, որն, ըստ միջազգայնագետի, ԱՄՆ-ի թիվ մեկ ախոյանն է։

«Հաջորդ կարևոր գործոնը Ռուսաստանն է, որը ԱՄՆ-ի հիմնական թիրախն ու թշնամին է։ Այսինքն Վաշինգտոնի ակտիվությունը մեր ռեգիոնում տրամաբանական է։ Ի դեպ, Միացյալ Նահանգների հարաբերությունները մեր տարածաշրջանում կրում են ոչ թե երկկողմանի, ասենք՝ ԱՄՆ-Հայաստան, ԱՄՆ-Ադրբեջան, ԱՄՆ-Վրաստան, այլ ռեգիոնալ բնույթ»,-ընդգծեց նա։

Արա Ալոյան

Այս թեմայով Ոսկեպարի բնակիչները հայտարարել են, որ Փաշինյանն իրենց այլ բան էր խոստացել․ Ոսկան Սարգսյան Հայաստանի ու Սաուդյան Արաբիայի միջև 30 տարվա դադարից հետո հաստատվեցին դիվանագիտական կապեր․ Սարգսյան Մաքսանենգ ճանապարհով Մարտիրոս Սարյանի գործեր են դուրս բերվել երկրից Փոխվարչապետ Մհեր Գրիգորյանը նոր խորհրդական ունի ՈՒՂԻՂ. Քաղաքապետարանը «ռեյդի» է դուրս եկել. թիրախում կրկին փողոցային առևտուրն է Տոնացույցում Հարկ վճարողի օր ունենալը նպատակ ունի արժևորել կարևոր ռազմավարական առաքելությունը Հարավային Կորեան 200 մլն դոլարի մարդասիրական օգնություն կտրամադրի Ուկրաինային Մեզ համոզում էին՝ եթե ռուս խաղաղապահը դուրս գա ԼՂ-ից, ապա Սկանդինավյան խաղաղապահը կգա, սպասում ենք Ո՞վ իրավունք ունի ասել, թե՝ ձեր «ժողովրդավարական» աչքի վերևը բռնատիրական հոնք է ծավալվել. «Փաստ» Զատուլինը հայտնել է՝ ինչու են Արցախից դուրս բերվել ռուս խաղաղապահները