Քաղաքական իշխող թիմի անդամներն ունե՞ն որևէ վախ Հայկ Մարությանի ներկայացումից

Լրատվամիջոցներում  երեկ տեղեկություն էր տարածվել, որ ոստիկանության Նոր Նորքի բաժնում նյութեր են նախապատրաստվում Երևանի նախկին քաղաքապետ Հայկ Մարությանի պաշտոնավարման ընթացքում տեղի ունեցած մի դեպքի փաստով։ Այսօր սակայն լուրը հերքվեց ոստիկանության, քննչական կոմիտեի կողմից:

«Ես, մի քանի անգամ ստուգեցի, բայց դա հերքվեց ոստիկանության, քննչական կոմիտեի կողմից»,-ԼՈՒՐԵՐ.com-ի հետ զրույցում ասաց Երևանի քաղաքապետարանի «Լույս» խմբակցության ղեկավար Դավիթ Խաժակյանը:

Հարցին՝ արդյոք իշխանությունը ունի՞ որևէ մտավախություն Մարությանի ներկայացման հետ կապված, Խաժակյանը նշեց.

«Ես ոչ մի մտավախություն չունեմ իր ներկայացման հետ կապված, մասնակցելու եմ նաև»:

ՔՊ կուսակցության պատգամավոր Հովիկ Աղազարյանն էլ մեզ հետ զրույցում ասաց, որ անձամբ նա մամուլից է տեղեկացել այդ լուրի մասին.

«Իմ գործընթացի շրջանակը էնպիսին չի, որ ես դրանից տեղեկություն ունենամ, ես տեղեկացել եմ մամուլից, որ էդպիսի բաներ կան, կոնկրետ ես չունեմ նման տեղեկատվություն, դա իմ գործառույթների մեջ չի մտնում»:

Թե ինչու է մամուլում Մարությանի մասին նմանատիպ ինֆորմացիա տարածվում հենց նրա՝ սպասվող ներկայացումների ֆոնին, Աղազարյանն ասաց.

«Երևի հակառակն է եղել, ամենայն հավանականությամբ Մարությանը  մի քանի ամիս առաջ իմացել է, որ իր դեմ ինչ-որ նյութեր պետք է նախապատրաստվի, գործ հարուցվի, ինքը պատրաստել է իր ա էդ ներկայացումը»:

Ունեն որևէ վախ քաղաքական իշխող թիմի անդամները Հայկ Մարությանի ներկայացումից, թե ոչ, Աղազարյանը պատասխանեց.

«Ես չեմ կարծում, որ բարձրագույն  օղակները նման վախեր ունեն: Թող ներկայացնի էդ զանգերը, և եթե եղել է մեր մեջ որևէ մեկը, որ, այսպես կոչված, թույլ է տվել դիրքի չարաշահում, ապա թող դառնա հրապարակային և տվյալ մարդը պատասխան տա: Ես այդտեղ ոչ մի սարսափելի բան չեմ տեսնում, նույնիսկ ինչ-որ տեղ օգտակար էր»:

Ինչ վերաբերում է Հայկ Մարությանի ներկայացմանը Աղազարյանը նշեց, որ Մարությանի բոլոր ներկայացումները նայել է հաճույքով, սակայն այս մեկին չի պատրաստվում գնալ:

«Չէ, ես կսպասեմ մինչև հեռուստացույցով ցույց տան, նոր կնայեմ. չեմ ուզում փող ծախսել»:

Լուսինե Ալեքսանյան

Այս թեմայով Դավիթ Տոնոյանի դեմ գործը քաղաքական ուղիղ հրահանգի արդյունք է․ փաստաբաններ Քննիչն ասել է, որ ՔՊ-ի կողմից հնչեցված «ականջներդ ու լեզուդ կկտրեմ»-ը քաղաքական գնահատական է Քանի քաղաքական ուժ և կազմակերպություն է սատարում Սամվել Վարդանյանին «ՔՊ–ն ավելի է խստացնելու բռնաճնշումները»․ Մարությանն ընդդիմադիրներին համախմբվելու կոչ է անում Սամվել Վարդանյանի նկատմամբ դաժան խոշտանգումը անձամբ ՔՊ ղեկավարի քաղաքական պատվերի արդյունք է․ հայտարարություն Աղմկահարույց լինեին, թե չլինեին քանդման աշխատանքները, որևէ մեկի ամառանոցը այգու մեջ չի կարող լինել «Մա՛մ, գիտե՞ս, թե ինչ հայրենիք ունենք». կապիտան Հայկ Ղարսյանն անմահացել է հոկտեմբերի 25-ին Վարանդայում․ «Փաստ» ԱՄՆ-ը չի աջակցի և չի մասնակցի Իրանի դեմ որևէ հարձակողական գործողության․ Բայդենը՝ Նեթանյահուին ԵԱՏՄ-ն տնտեսական միավորում է՝ առանց որևէ քաղաքական և, հատկապես, աշխարհաքաղաքական օրակարգի «Նարեկ Սամսոնյանի և Վազգեն Սաղաթելյանի կարգավիճակը բավարարում է ոչ միայն քաղաքական բանտարկյալի, այլև խղճի բանտարկյալի չափանիշներին». «Փաստ»