Բելգրադը չի ճանաչի ինքնահռչակ Կոսովոյի հանրապետությունը. Վուչիչ

Սերբիայի նախագահ Ալեքսանդր Վուչիչը ԵՄ-ի, Գերմանիայի եւ Ֆրանսիայի ներկայացուցիչների հետ հանդիպման ընթացքում սոցցանցերում ասել է, որ Բելգրադը չի ճանաչի ինքնահռչակ Կոսովոյի հանրապետությունը, փոխզիջում է հարկավոր։

«Խոսակցությունը Սերբիայի ապագայի մասին է, Կոսովոյի ճանաչման խոսք լինել չի կարող։ Հենց հիմա խոսում ենք ԵՄ-ի Բելգրադի եւ Պրիշտինայի երկխոսության եւ Արեւմտյան Բալկանների տարածաշրջանային հարցերով հատուկ ներկայացուցիչ Միրոսլավ Լայչակի եւ Ֆրանսիայի ու Գերմանիայի արտաքին քաղաքականության եւ անվտանգության քաղաքականության խորհրդականներ Էմանուել Բոնոյի եւ Յենս Պլետների հետ, միշտ պատրաստ եմ փոխզիջումային լուծումների՝ համաձայն Սերբիայի սահմանադրության եւ ՄԱԿ Անվտանգության խորհրդի 1 244 բանաձեւի»,- գրել է Վուչիչը Instagram-ում եւ տեղադրել լուսանկար հանդիպումից։

Սերբիայի նախագահի աշխատակազմն ուրբաթ տեղեկացրել է, որ շաբաթ առավոտյան նշանակել է Ազգային անվտանգության խորհրդի նիստ, որի գլխավոր թեման դառնալու է իրավիճակը Կոսովոյում եւ Մետոխիայում։

Բելգրադը եւ Պրիշտինան ԵՄ-ի միջնորդությամբ օգոստոսի 27-ին փոխզիջման է հասել սերբերի եւ ալբանացիների մուտքի եւ ելքի մասին կենտրոնական Սերբիայից Կոսովո եւ Մետոխիա՝ սերբական եւ կոսովո-ալբանական վկայականներով։ Անցակետերում տեղադրված են բացատրություններ, որ Պրիշտինայի տված անձնական փաստաթղթերի օգտագործումը կատարվում է գործնական նկատառումներից ելնելով՝ հանուն առանձին անձանց վիճակի թեթւացման, եւ չի կարող մեկնաբանվել որպես միակողմանիորեն հռչակված Կոսովոյի անկախության ճանաչում Բելգրադի կողմից։

Պրիշտինայի իշխանությունները տեղի սերբերից պահանջում են մինչեւ հոկտեմբերի 31-ը վերագրանցել Սերբիայի համարանիշներով եւ «ԿՄ» տառերով ավտոմեքենաները կոսովյան RKS-ով։

Այս թեմայով Հաստատվել է Հայաստան-Կոսովո հանդիպումը սպասարկող մրցավարական անձնակազմը ԵՄ-ն հայտարարել է, որ Արևմուտքը պատրաստվում է փակել Կոսովոյի հարցը մինչև 2024 թվականին Կոսովոյում ալբանացին կրակել է մեքենայի վրա, երկու կին վիրավորվել է․ ԶԼՄ Կոսովոյում ալբանացի տղամարդը կրակ է բացել Գոտովուշկա բնակավայրում Սուրբ Ծնունդը տոնող սերբերի ուղղությամբ Սերբիան և Կոսովոն զինված ուժերը բերել են բարձր պատրաստականության Կոսովոն դեկտեմբերի 15-ին պաշտոնապես կներկայացնի ԵՄ-ին անդամակցելու հայտը Հայաստանի ֆուտբոլի ազգային հավաքականը մեկնել է Կոսովո ՆԱՏՕ-ի գլխավոր քարտուղարը Վուչիչին հորդորել է խուսափել Կոսովոյում էսկալացիայից Արևմուտքը Կոսովոյի շուրջ ստեղծված իրավիճակը մղում է ուղիղ հակամարտության. ՌԴ ԱԳՆ Կոսովոյում վերացվել են կուսության պարտադիր թեստերը