ԱԱ. Մալխաս Ամոյանը հնարավորություն ստացավ պայքարել բրոնզե մեդալի համար

Սերբիայում ընթացող հունահռոմեական ըմբշամարտի աշխարհի առաջնության առաջին մրցումային օրը պայքարի մեջ մտած 4 քաշային կարգերի եզրափակիչների մասնակիցները հայտնի են:

Առաջին մրցումային օրը Հայաստանի թիմից մրցագորգ դուրս եկած Մալխաս Ամոյանը բրոնզե մեդալի համար պայքարը շարունակելու հնարավորություն ստացավ, քանի որ որակավորման փուլում նրան պարտության մատնած հունգարացի Զոլտան Լեւային դուրս եկավ եզրափակիչ:

Կիսաեզարփակիչում 2020 թվականի Եվրոպայի փոխչեմպիոնը 3:1 հաշվով հաղթեց աշխարհի չեմպիոն, Եվրոպայի կրկնակի փոխչեմպիոն, սերբ Վիկտոր Նեմեշին:

Մալխաս Ամոյանը բրոնզե մեդալի պայքարի համար 3 սփոփիչ գոտեմարտ կանցկացնի: Առաջին սփսոփիչ գոտեմարտում կհանդիպի վրացի Լուրի Լոմաձեին, որը 1/16 եզրափակիչում 1:4 հաշվով պարտվել էր Լեւային:

Հաղթելու դեպքում հաջորդ երկու սփսոփիչ գոտեմարտերը կանցկացնի շվեդ Պեր Ալբին Օլոֆսոնի հետ, որին Եվրոպայի առաջնության կիսաեզրափակիչում հաղթել է 9:0 հաշվով, եւ Ղազախստանի ներկայացուցիչ Թամուրլան Շադուկաեւի հետ:

Սփոփիչ գոտեմարտերը հաղթահարելու դեպքում աշխարհի եւ Եվրոպայի չեմպիոնը բրոնզե մեդալը կվիճարկի սերբ Վիկտոր Նեմեշի հետ:

Առաջին մրցումային օրը Հայաստանի հավաքականից մրցագորգ դուրս եկած 55 կգ քաշային Ռուդիկ Մկրտչյանը լքեզ պայքարը, քանի որ 1/8 եզրափակիչում նրան հաղթած ուզբեկ Յասուրբեկ Օրտիկբոյեւը քառորդ եզրափակիչում պարտվեց վրացի Նուգզարի Ցուրցումիային:

Այս թեմայով Ռոման Ամոյանը նշանակվել է մարզադպրոցի տնօրեն Մ23 ԱԱ. Մալխաս Ամոյանն եզրափակիչում է Մալխաս Ամոյանի պարգեւատրումը աշխարհի առաջնությունում (տեսանյութ) Մալխաս Ամոյանը դարձավ աշխարհի առաջնության բրոնզե մեդալակիր Ըմբշամարտի ԱԱ. Մալխաս Ամոյանը պարտվեց մեկնարկում Իմ նպատակներից մեկն էր. Մալխաս Ամոյան Շնորհակալ եմ իմ երկրին, հայ և եզդի ազգերին․ Մալխաս Ամոյանը չեմպիոն դառնալուց հետո գրառում է արել Մալխաս Ամոյանը հաղթեց թուրք ըմբիշին ու դարձավ Եվրոպայի չեմպիոն Ըմբիշ Մալխաս Ամոյանը պատասխանել է Վահրամ Դումանյանին․ «Ժողովուրդ» Ըմբիշ Մալխաս Ամոյանը` Եվրոպայի Մ23 տարեկանների չեմպիոն