«Ջոկին նահանջելու հրաման է տվել, ինքը դիրքը չի լքել». 19–ամյա Կարեն Կարապետյանը զոհվել է Կապանի դիրքում. News.am

Սեպտեմբերի 13-ի գիշերը ադրբեջանական կողմի նախաձեռնած հարձակման հետեւանքով զոհվել է 19–ամյա պարտադիր ժամկետային զինծառայող Կարեն Կարապետյանը։

Նա Արագածոտնի մարզի Օրգով բնակավայրից էր։ Բանակ էր զորակոչվել 2021 թվականի հուլիսին։ Սկզբում ծառայել էր Արմավիրում, հետո տեղափոխվել՝ Կապան։

NEWS.am-ի հետ զրույցում  նրա հորեղբայրը՝ Դերենիկ Կարապետյանը պատմեց, որ Կարենը զոհվել է սեպտեմբերի 12–ի լույս 13-ի գիշերը՝ Ադրբեջանի հարձակման առաջին գիշերը։

«Մի շաբաթ է՝ դիրքում էր, հերթապահություն էր իրականացնում։ Կեսգիշերն անց, երբ արդեն հակառակորդը հարձակվել էր, Կարենը հաղորդագրություն էր գրել ծնողներին, որ «իմ մոտ ամեն ինչ լավ է, հնարավորություն չունեմ զանգել, հետո կզանգեմ», սա իր վերջին հաղորդագրությունն է եղել, դրանից հետո մեր զանգերն արդեն անպատասխան մնացին»,– պատմեց Կարենի հորեղբայրը։

Կարենի հարազատները տեղեկություն չունենալով նրա մասին, գնացել են Կապան, որտեղ նրանց հայտնել են, որ Կարենի անունը անհետ կորածների ցուցակում է, երկու օր անց անճանաչելի վիճակում հայտնաբերվել  է Կարենի աճյունը։ Ձախ հոնքի հատվածում սպիի եւ պարանոցի խալի միջոցով են հարազատները ճանաչել Կարենի աճյունը։

Հորեղբոր խոսքով՝ Կարենի աճյունը ուշ է հայտնաբերվել, որովհետեւ այն դիրքը, որը նա պաշտպանել է, անցել է հակառակորդի վերահսկողության տակ։

«Կարենը դիրքը չի լքել, իր ջոկին նահանջի հրաման է տվել, հասկացել  է, որ երեխաներն ի վիճակի չեն հակառակորդի մեծ թվով զորքի դեմ պայքարել, Կարենն ասել է՝ տղերք գնացեք, ես կհասնեմ ձեզ, դիրքը պահել է մինչեւ վիրավորվելը, բժշկի ասելով Կարենը զոհվել է արնաքամ լինելու պատճառով, նրա հետ եւս մեկ զինծառայող է զոհվել, որը Կարենին չէր լքել»,– պատմեց Դերենիկ Կարապետյանը։

Կարենը դպրոցն ավարտելուց հետո բանակ էր զորակոչվել, սիրում էր խոհարարությամբ զբաղվել։ Կարենը երեք եղբայր ունի։

19–ամյա Կարենին հուղարկավորել են այսօր՝ սեպտեմբերի 19–ին, զինվորական կարգով, հայրենի Օրգով գյուղում։

Այս թեմայով Ղրղզստանի նախագահն ու Ալիևը կայցելեն օկուպացված Արցախ «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ)