Իրանը ռուսական գազը խողովակաշարերով կներկրի Ադրբեջանից․ Fars

Իրանը ռուսական գազը խողովակաշարերով կներկրի Ադրբեջանից՝ համաձայն երկու ամիս առաջ Թեհրանի եւ Մոսկվայի միջեւ կնքված խոշոր գործարքի շրջանակներում ձեռք բերված պայմանավորվածությունների, հաղորդում է Press TV-ն:

Fars գործակալության տվյալներով՝ Իրանը Ռուսաստանից օրական մոտ 9 միլիոն խորանարդ մետր գազ եւ օրական եւս 6 միլիոն խորանարդ մետր գազ կգնի՝ երկրի հարավում սպառողներին մատակարարելու սվոպ-գործարքի շրջանակներում:

Իրանի նավթի նախարարության ներքին հավետվության համաձայն՝ գնման եւ փոխանակման պայմանավորվածությունները կապված են հուլիսին Իրանի պետական նավթային NIOC ընկերության եւ ռուսական «Գազպրոմ»ի միջեւ կնքված 40 միլիարդ դոլար արժողությամբ գործարքի հետ:

Ավելի վաղ հաղորդվել էր, որ Իրանը կարող է ընդունել ռուսական գազի մատակարարումները Թուրքմենստանից՝ Թուրքիա եւ Իրաք սվոպ-մատակարարումների նպատակով։ Սակայն նոր ապացույցները ցույց են տալիս, որ Իրանը կօգտագործի օրական 15 միլիոն խորանարդ մետր գազի մատակարարումները Ռուսաստանից՝ հզորացնելու իր ներքին մատակարարման շղթան դեպի հյուսիս-արեւմուտքի խիտ բնակեցված շրջաններ՝ միաժամանակ հնարավորություն ունենալով երկրի արեւմուտքում գազատարների միջոցով բնական գազի ավելացած ծավալներ արտահանել Թուրքիա եւ Իրաք։

Իրանն արդեն գազի փոխանակման պայմանագիր է ստորագրել Թուրքմենստանի եւ Ադրբեջանի հետ։

Ինչպես նշում է Fars-ը, Իրանը ՀԲԳ-ի տեսքով օրական 6 մլն խորանարդ մետր ռուսական գազ կմատակարարի հարավում սպառողներին։ «Գազպրոմը» հեղուկացման գործընթացում գործընկեր կլինի։

Այս թեմայով «Զա՛րկ, երբ հալածում են քեզ». հրապարակում այրվեցին Թուրքիայի և Ադրբեջանի դրոշները (տեսանյութ) Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վրաստանը ողջունում է Ադրբեջանի և Հայաստանի միջև ձեռք բերված պայմանավորվածությունը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հասանովը հանդիպում է անցկացրել, հանձնարարականներ տվել սահմանազատման գործընթացի իրականացման վերաբերյալ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը ստանում է իրեն պատկանող երկուսուկես գյուղ, Հայաստանը՝ անվտանգային ռիսկերի նվազեցում․ վարչապետի աշխատակազմ Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ)