Ադրբեջանի ղեկավարությունը պետք է պատասխանատվության ենթարկվի. ԱՄՆ կոնգրեսում Արցախի անկախությանը նվիրված միջոցառում է կայացել

Ամերիկայի Միացյալ Նահանգների կոնգրեսում տեղի է ունեցել Արցախի անկախությանը նվիրված միջոցառում, որին մասնակցել են Արցախի Հանրապետության արտաքին գործերի նախարար Դավիթ Բաբայանը, Կոնգրեսի հայկական հարցերով հանձնախմբի անդամները:

Միջոցառման ընթացքում ելույթ է ունեցել Արցախի արտաքին գործերի նախարար Դավիթ Բաբայանը: Նա շեշտել է, որ Արցախը երբեք չի լինելու Ադրբեջանի կազմում՝ ընդգծելով էքզիստենցիալ և ցեղասպանական սպառնալիքները, որոնց բախվում է Արցախի ժողովուրդը:

Բաբայանը շնորհակալություն է հայտնել ԱՄՆ-ի և ամբողջ աշխարհի հայկական համայնքներին և Արցախի բոլոր աջակիցներին: «Մենք պայքարում ենք ոչ միայն մեր ապագայի, այլ նաև անցյալի, ներկայի և ամբողջ մարդկության համար»,-ասել է Դավիթ Բաբայանը:

Կոնգրեսական Ադամ Շիֆը իր ելույթում ընդգծել է, որ ԱՄՆ-ն պետք է դադարեցնի ցանկացած տեսակի աջակցություն Ադրբեջանին, պատժամիջոցներ կիրառի և պատասխանատվության ենթարկի Ադրբեջանի ղեկավարությանը պատերազմական հանցագործությունների համար: Շիֆի խոսքով՝ Ադրբեջանի ագրեսիան միանշանակ չդատապարտելը թույլ է տվել, որ այդ երկիրը նոր հարձակում իրականացնի Հայաստանի դեմ:

Միջոցառմանը մասնակցել է նաև կոնգրեսական Ֆրանկ Փալոնը, ով նոր է վերադարձել Հայաստանից, որտեղ այցելել էր Ներկայացուցիչների պալատի խոսնակ Նենսի Փելոսիի պատվիրակության կազմում: Իր ելույթում նա ընդգծել է, որ իրենց առաքելության կարևոր մասն է երաշխավորել Հայաստանում ժողովրդավարության զարգացման շարունակականությունը՝ շեշտելով, որ Արցախն էլ դրա մի մասն է:

Կոնգրեսական Ջիմ Կոստան դատապարտել է Ադրբեջանի կողմից վերջին հարձակումը Հայաստանի վրա՝ նշելով, որ ԱՄՆ-ն պետք է պատասխանատվության ենթարկի Ադրբեջանին: Նա կոչ է արել վերանայել ցանկացած աջակցություն, որ տրամադրվում է Ադրբեջանին:

Կոնգրեսի անդամ Ջուդի Չուն իր ելույթում նշել է, որ Ադրբեջանը արգելել է իր մուտքը, ինչը մեծ պատիվ է իր համար:  Ջուդի Չուն ընդգծել է Ադրբեջանին ռազմական աջակցության տրամադրումը դադարեցնելու և Արցախին հատկացվող օգնությունն ընդլայնելու անհրաժեշտությունը:

Այս թեմայով Ամոթ է․ հայ պատանդները մինչ այսօր Բաքվում են, ՀՀ-ին առաջին հերթին ներքին կայունություն է պետք․ Ադոնց Նախքան ասելը, որ ՀԱՊԿ-ը պարտավոր է սահմանել իր պատասխանատվության գոտին, պետք է սահմանել ՀՀ սահմանները. Լավրով Իրանի Սպահան իսրայելական ԱԹՍ-ները կարող էին հասնել միայն բռնազավթված Արցախի տարածքից. Վարդան Ոսկանյան ՈՒՂԻՂ․ Հայաստանը ՄԱԿ-ի դատարանում պատասխանում է Ադրբեջանի մեղադրանքներին Ստեղից էթալու եմ, ինձ պետք ա՞ էս երկիրը, 2 երեխա եմ մեծացնում, փողոցային առևտրի համար տուգանում են «Ժողովուրդ». ՀՀ իշխանությունները խուսափում են Արցախի վտարանդի իշխանությունների հետ հանդիպումներից ԼՂ-ի հայերը պետք է վերադարձի հնարավորություն ունենան՝ իրավունքների և անվտանգության ապահովմամբ. Զախարովա Պետք է Նիկոլի հարցը լուծենք, որ պարզ էրեսով կարողանանք գնալ «Եռաբլուր»՝ մեր տղերքի մոտ. Չախալյան ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ Սա պետք է համազգային մեծ շարժում դառնա, ժողովուրդ, միացեք