Քիմ Քարդաշյանը 70 մլն դոլարով գնել է Սինդի Քրոուֆորդի՝ Մալիբուի առանձնատունը
ԼուսանկարներՀայազգի գործարար, «Keeping up with the Kardashians» ռեալիթի շոուի աստղ Քիմ Քարդաշյանը 70 միլիոն դոլարով գնել է սուպերմոդել Սինդի Քրոուֆորդի տունը Մալիբուում, գրում է The Dirt-ը։
Ըստ The Dirt-ի՝ անցած շաբաթ Քիմ Քարդաշյանը 70,4 միլիոն դոլարով Մալիբուի հեղինակավոր շրջանում (Կալիֆորնիա, ԱՄՆ) վիլլա է գնել։ Նշվում է, որ այսօր սա Մալիբուի ամենաթանկ, Կալիֆորնիայում՝ և չորրորդ տունն է։
Առանձնատունը կառուցվել է 1944 թվականին։ 2015 թվականին այն ձեռք են բերել Սինդի Քրոուֆորդը և Ռենդի Գերբերը։ Առանձնատանը մի քանի տարի ապրելուց հետո նա այն վերավաճառել է Քիմ Քարդաշյանին՝ 70,4 մլն դոլարով։
Խաղաղ օվկիանոսին նայող առանձնատունը զբաղեցնում է 700 քառակուսի մետր տարածք։ Այն ունի չորս ննջասենյակ, հինգ լոգասենյակ, մի քանի ընդարձակ հյուրասենյակներ, ինչպես նաև սեփական մարզասրահ, սպա, լողավազան և թենիսի կորտ։
Քիմ Քարդաշյանի նոր տունը Քանյե Ուեսթի տնից 22 կիլոմետր հեռավորության վրա է գտնվում։ Բացի Սինդի Քրոուֆորդից՝ մոտակա հարևանների թվում են դերասան Լեոնարդո Դի Կապրիոն, երգիչ Նիլ Դայմոնդը և Walt Disney-ի նախագահ Մայքլ Էյսները։