Հայրենիքի պաշտպանության մարտում զոհված սպա Արմեն Կարապետյանը Արցախյան 44-օրյա պատերազմի մասնակից էր

 Գեղարքունիքի մարզի Արծվանիստ գյուղում է հուղարկավորվել Արցախյան 44-օրյա պատերազմի մասնակից, ադրբեջանական 2022 թվականի սեպտեմբերյան ագրեսիայի հետեւանքով զոհված Հայոց բանակի սպա Արմեն Կարապետյանը։

Ինչպես «Արմենպրես»-ին տեղեկացրեց Արծվանիստի միջնակարգ դպրոցի տնօրեն Թոռնիկ Սահակյանը,  Արմեն   Կարապետյանը   ծնվել  է   1992 թվականի  փետրվարի  20-ին,  Հայաստանի Հանրապետության Մարտունու շրջանի  Արծվանիստ  գյուղում:  Սովորել   եւ 2009 թվականին  գերազանցությամբ  ավարտել   է  ծննդավայրի    միջնակարգ   դպրոցը:  Նույն    տարում  ընդունվել   է   Տերնոպոլի   ազգային   տնտեսագիտական   համալսարանի    «Համաշխարհային   տնտեսագիտություն»  բաժինը:    2010-12 թվականներին  ծառայել  է  Հայոց  բանակում՝  որպես   ավագ   հետախույզ:   Ծառայության   ընթացքում   արժանացել  է    «Բանակի   գերազանցիկ»   կրծքանշանի  եւ   ստացել  կրտսեր    սերժանտի   կոչում:  Զորացրվելուց   հետո   շարունակել   է   ուսումը  նույն    բուհում,  որը   ավարտել  է  2015 թվականին: 

«Արմենի  մեջ   այնքան  մեծ   էր   Հայոց   բանակում    ծառայելու   ցանկությունը,  որ   2020  թվականի  հունիսին,    որպես    ենթասպա,    ծառայության   է  անցնում    Քարվաճառի զորամասում: 44-օրյա   պատերազմի    առաջին    օրից   մինչեւ  ավարտը   քաջաբար  կռվել   է  Արմենը,  արժանացել    «Զորավար   Անդրանիկ»   կրծքանշանի   եւ   պատվոգրերի: 2021 թվականին   ստացել   է   լեյտենանտի    կոչում   եւ   վարել     դասակի    հրամանատարի    պաշտոն:   2022 թվականի  հուլիսից   ստանձնել   է   վաշտի   հրամանատարի   պաշտոն:  Արմենն   ուներ «Ավագ    հետախույզ»   կոչում:  Ամուսնացած   էր   ընդամենը   8  ամիս:   Փրկելով   իր   վաշտի   տղաների    կյանքը՝   ցավոք,   նա    դարձավ   թշնամու   անօդաչուի հարվածի   զոհը: Նրա մահը կսկիծ ու ցավ է պատճառել ողջ գյուղին, մեր դպրոցի կոլեկտիվին՝ առավել եւս։ Սակայն Արմենը միաժամանակ մեր, մեր սերունդների պարծանքն ու հպարտությունն է, նրա անունով կդաստիարակվեն ու կոգեշնչվեն մեր դպրոցի աշակերտները։ Ինչպես տեսնում եք, թշնամին մեզանից խլում է մեր հայրենասեր, քաջ ու խելացի տղաներին, ովքեր մարմնավորում էին հայրենի հողի ուժը, գեղեցկությունը եւ հավերժությունը։ Արմենն ու նրա մարտական ընկերները հավերժ էլ կմնան մեր սրտերում»,-ներկայացրեց Թոռնիկ Սահակյանը։

Այս թեմայով Վերընտրվելու շնորհավորանքներն Ալիևն ընկալել է հայերի դեմ քաղաքականությունը շարունակելու եվրոպական մանդատ. Գևորգյան Նիկոլ. «տիպային կիստայի տրանսֆորմացիա». Արմեն Աշոտյան Իսրայելի նախագահը Իրանի հարձակումն անվանել է պատերազմի հայտարարություն Հրաձիգ Էլմիրա Կարապետյանը դարձել է Ռիո դե Ժանեյրոյի վարկանիշային մրցաշարի հաղթող Երևանում՝ ՀՀ Պաշտպանության նախարարության մոտ, բախվել են «Volkswagen»-ն ու կվադրոցիկլը Չի դադարել պայքարս, եղել եմ, կամ ու կլինեմ այս ազգային գոյամարտի առաջնագծում․ Արմեն Աշոտյան Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար