Վրաստանում ազատ են արձակել պատանդներին եւ ձերբակալել են տղամարդուն, որը փորձել է բանկ կողոպտել

Ներքին գործերի նախարարությունը հաստատում է Քութայիսի քաղաքում «Վրաստանի բանկի» մասնաճյուղում պատանդներ վերցրած կողոպտիչին ձերբակալելու հատուկ գործողության հաջող ավարտը, հայտնում է «Նովոստի-Գրուզիան»։

Բոլոր 12 պատանդներն ազատ են արձակվել, նրանց կյանքին վտանգ չի սպառնում, հայտնում է Վրաստանի ՆԳՆ-ն։

«Պիրվելի» հեռուստաընկերության փոխանցմամբ՝ ժամը 19:30-ի սահմաններում բանկի հարակից տարածքից դուրս է եկել ոստիկանության մեքենան, որում գտնվել է ձերբակալվածը։

Վրաստանի հանրային հեռուստատեսությունը դեպքի վայրից հայտնում է, որ մի խումբ ոստիկաններ մտել են շենք ու պատանդներին դուրս բերել։

Ըստ լրատվամիջոցների՝ բերման ենթարկված տղամարդը մինչեւ 45 տարեկան է, անունը՝ Դավիթ։ Վարկածներից մեկի համաձայն, որը դեռեւս ոստիկանությունը չի հաստատել, նա բնակվում է Քութայիսիի Ռուսթավելի փողոցում գտնվող բանկի մասնաճյուղի մոտ, որի վրա հարձակվել է։ Ոստիկանությունն արդեն հարցաքննության է հրավիրել հանցագործի ընտանիքի անդամներին։ Կան նաեւ ապացույցներ, որ տղամարդը վերջերս է վերադարձել արտերկրից, ուր ֆինանսական լուրջ խնդիրների պատճառով արտագնա աշխատանքի էր մեկնել։

Այսօր առավոտյան ժամը 11-ի սահմաններում կամուֆլյաժով միջին տարիքի տղամարդը ներխուժել է Bank of Georgia-ի մասնաճյուղ ու պատանդ վերցրել 12 մարդու, այդ թվում՝ բանկի երկու աշխատակցի։ Ականատեսների վկայությամբ՝ նրա հագուստի վրա լարեր են եղել, նա պնդել է, որ դա ռումբ է։ Բացի այդ, նրա ձեռքում եղել է նռնակ, իսկ գրպանում՝ դանակ։

Կողոպտիչը պահանջել է իրեն վճարել 2 միլիոն դոլար, իսկ հետո փրկագնի չափը կրճատել է 1,5 միլիոնի։ Նա նաեւ հայտարարել է, որ պատրաստվում է Քութայիսից մեկնել ուղղաթիռով, որը պետք է տրամադրեր ՆԳՆ-ն։

Քրեական գործ է հարուցվել Վրաստանի Քրեական օրենսգրքի չորս հոդվածներով՝ 144 հոդված՝ «պատանդ վերցնելը», 236 հոդված՝ «հրազենի, ռազմամթերքի, պայթուցիկ նյութերի կամ պայթուցիկ սարքերի ապօրինի ձեռքբերումը, պահումը, կրելը, արտադրելը, փոխադրելը, տեղափոխելը կամ իրացնելը», 323-րդ հոդված՝ «ահաբեկչական գործողություն» եւ 329-րդ հոդված՝ «պատանդ վերցնելն ահաբեկչական նպատակներով»։

Այս թեմայով Թբիլիսիում շարունակվում է «օտարերկրյա գործակալների մասին» օրենքի դեմ բողոքի ակցիան (տեսանյութ) Թբիլիսիում բողոքի ցույցեր են՝ «օտարերկրյա գործակալների մասին» օրենքի ընդունման դեմ (տեսանյութ) Վրաստանի վարչապետը երկրի նախագահին անվանել է «օտարերկրյա ազդեցության գործակալ» Վրաստանի նախագահը հայտարարել է օտարերկրյա գործակալների մասին օրենքի վրա վետո դնելու իր մտադրության մասին Տաջիկստանի քաղաքացիներին թույլ չեն տալիս մուտք գործել Վրաստան Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Թբիլիսիում արցունքաբեր գազ են կիրառել ցուցարարների դեմ․ կան տուժածներ ու ձերբակալվածներ Լարված իրավիճակ՝ Վրաստանի խորհրդարանի մոտ․ սկսել են բերման ենթարկել ցուցարարներին (տեսանյութ) Վրաստանում օտարերկրյա գործակալների մասին օրինագծի քվեարկությունը հետաձգվել է (տեսանյութ) Թբիլիսիում կրկին բախումներ են տեղի ունեցել ցուցարարների և ոստիկանների միջև (տեսանյութ)