Արկածախնդրություն կլինի մեր երկիրը ուկրաինացման ճանապարհով տանելը․ քաղաքագետը՝ ՀՀ-ում հակառուսական ակցիաների մասին

ՀՀ-ում վերջին շրջանում կրկին հակառուսական տրամադրություններ են․ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի այցը լրացուցիչ կրքեր բորբոքեց՝ Արևմուտք-Մոսկվա հակընդդեմության առումով։ Զուգահեռաբար, ՌԴ-ի հետ սերտ դաշնակցության ջատագով ընդդիմության (առավելապես խորհրդարանական ընդդիմության) արձագանքը հակառուսական ակցիաներին ու հայտարարություններին, կարծեք, այնքան էլ «հուզական» չէր, որքան սպասվում էր։ 

Ի՞նչ ջրբաժանի առջև է Հայաստանը, ուժային կենտրոնների այս խաչմերուկում ո՞րը պիտի լինի մեր երկրի, այդ թվում՝քաղաքական ուժերի ողջամիտ անելիքը՝ նկատի առնելով նաև անվտանգային լրջագույն խնդիրները։

«Ես իսկապես կարևոր եմ համարում Նենսի Փելոսիի երևանյան այցը, եթե մենք սպասումների ռացիոնալ, իրական նշաձող սահմանենք: Բայց երբ նույն Փելոսին այցի ավարտին գրում է, թե «Հայաստանը կարևոր ճակատ է ժողովրդավարության և ավտոկրատիայի միջև պայքարում», հասկանում եմ, որ բուն խնդիրն ոչ այնքան Հայաստանն է կամ նույնիսկ՝ Ադրբեջանը(իհարկե,  գնահատելի է Ադրբեջանի ագրեսիայի դատապարտումը), որքան «ավտոկրատիայի» ամերիկյան ձևակերպման տակ ընկնող Ռուսաստանի ու Իրանի դուրսմղումը տարածաշրջանից»,-այս մասին ԼՈՒՐԵՐ․com-ի հետ զրույցում նշեց քաղաքագետ, «Դեմոկրատական այլընտրանք» կուսակցության նախագահ Սուրեն Սուրենյանցը

Նրա համոզմամբ, ամերիկյան արտաքին քաղաքականության համար ռեժիմների հատկանիշները հարյուրերորդական նշանակություն ունեն, դոմինանտ են կոնկրետ շահերը ու այս պարագայում «գաղափարական» բառաֆոնդը վստահաբար  աղերս չունի հայ- ադրբեջանական կոնֆլիկտի հետ ու վերաբերում է միջազգային գլոբալ հակադրության տեղայնացմանը մեր տարածաշրջանում, որի մի «ճակատն» էլ, անկախ իր կամքից, դարձել է Հայաստանը:

«Հայաստանի բոլոր ողջամիտ ուժերի խնդիրը պետք է լինի հակառուսական կամ հակարևմտյան տրամադրությունների սանձումը: Հայաստանն, իհարկե, Բելառուս դառնալու ու այդ կարգավիճակով Ռուսաստանի հետ շփվելու իրավունք չունի, սակայն նաև արկածախնդրություն կլինի մեր երկիրը ուկրաինացման ճանապարհով տանելը»,-եզրափակեց Սուրենյանցը:

Արա Ալոյան

Այս թեմայով Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Սուրեն Պետրոսյանի աջակիցները հավաքվել են ՁՎՊ-ի դիմաց՝ իրենց աջակցությունը հայտնելու նրան Սուրեն Պետրոսյանի աջակիցներն այս պահին հավաքվում են ՁՊՎ-ի մոտ. հայտարարություն «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Սուրեն Պետրոսյանը կոչ էր անում Տավուշում պայքարը շարունակել, նրան Փաշինյանի հրահանգով են ձերբակալել Տիգրան Աբրահամյանը, Մհեր Սահակյանն ու Արման Ղազարյանը ՁՊՎ-ում տեսակցել են Սուրեն Պետրոսյանին Սուրեն Պետրոսյանին հատուկ են մեկուսացրել Տավուշի պրոցեսներից. Տիգրան Աբրահամյան (տեսանյութ) Տավուշում ձերբակալված Սուրեն Պետրոսյանին կեսգիշերն անց ծածուկ Երեւան են բերել Բերման են ենթարկում մի մարդու, ով այս շարժման ամենաակնառու ոգեշնչողներից և նախաձեռնողներից է Սուրեն Պետրոսյանին մտադիր են մեղադրել իբր խուլիգանություն կատարելու համար․ հայտարարություն