Վնասազերծվել է Գավառում հայտնի «բախտագուշակ Վարսիկի» որդին. մանրամասներ

Երեկ՝ սեպտեմբերի 20-ին, կրակոցներ են հնչել Գեղարքունիքի մարզում։ Ոստիկանության Գավառի բաժնում օպերատիվ տեղեկություններ են ստացվել, որ Գավառ վարչական շրջանի Գանձակ բնակավայրում բնակիչը ինքնաձիգից անկանոն կրակոցներ է արձակում։

Ոստիկանները Հ. Աբրահամյան փողոցում նկատում են ենթադրյալ կրակոցներ արձակող քաղաքացուն և փորձում են  նրան վնասազերծել, սակայն վերջինս իր ձեռքին եղած ինքնաձիգով կրակահերթ է արձակում դեպի օդ, ապա դիմում փախուստի։ Ոստիկանները, վտանգելով իրենց կյանքը, հետապնդում են այդ քաղաքացուն, ով փախնում և մտնում է Հակոբ Պարոնյան փողոցի N6 հասցեում գտնվող առանձնատան բակը։ 

Արդեն տեղում մարզի ոստիկանապետի և Գավառի ոստիկանապետի գլխավորությամբ սկսվում է այդ քաղաքացու հետ բացատրական աշխատանքներ տարվել, սակայն տղամարդը դարձյալ հրաժարվում է կատարել ոստիկանների օրինական պահանջները, այն է՝ ցած դնել զենքը և ինքնակամ հանձնվել։ 

Քաղաքացին առանձնատան պարսպի վրայով դիմում է փախուստի, սակայն այս անգամ ոստիկանների հմուտ գործողությունների արդյունքում հնարավոր է լինում նրան վնասազերծել, ապա տեղափոխել ոստիկանության Գավառի բաժին։

Տեղում դեպքի վայրի զննությամբ Գանձակ բնակավայրի Հ. Աբրահամյան և Հ. Պարոնյան փողոցների խաչմերուկում գտնվող մթերային խանութի դիմացի հատվածից հայտնաբերվել է թվով 3 հատ, Հ. Պարոնյան փողոցի սկզբնամասից՝ 4 հատ, իսկ Հ. Պարոնյան 6 հասցեում գտնվող առանձնատան բակից՝ 1 հատ 5.45 մմ տրամաչափի ինքնաձիգի կրակված պարկուճներ։ Իսկ առանձնատան բակում հայտնաբերվել է 1 հատ «ԱԿՍ» տեսակի ինքնաձիգ՝ իր պահունակով, 1 հատ «Մակարով» տեսակի ատրճանակ՝ 2 պահունակով, «Պարաբելում» տեսակի ատրճանակ՝ 1 պահունակով, 670-ից ավելի «Մակարով» տեսակի ատրճանակի փամփուշտներ, 100 հատ «ՏՈԶ» տեսակի որսորդական հրացանի փամփուշտներ, 220-ից ավելի ինքնաձիգի տարբեր տեսակի փամփուշտներ, 100 հատ «Պարաբելում» տեսակի ատրճանակի փամփուշտներ, 8 հատ «Մակարով» տեսակի ատրճանակի փամփուշտներ և  պարկուճներ։

Բերման ենթարկվածը Գեղարքունիքում հայտնի «Գավառի բախտագուշակ Վարսիկի» տղա՝ 41-ամյա Սարգիս Հակոբյանն է։

Այս թեմայով Հայտնի է՝ ով է Սամվել Վարդանյանի գործով դատավորը 45 000 դոլարով Volkswagen ID 6` Արարատի քաղաքապետին. մատակարարը Հովիկ Աղազարյանի որդին է Ոսկեպարցիներից հավաքել են հեռախոսները. Սուրեն Պետրոսյանին չեն թողել մասնակցի հանդիպմանը. մանրամասներ (տեսանյութ) Նոր մանրամասներ՝ Փաշինյանի հետ հանդիպումից․ Սուրեն Պետրոսյան «Ժողովուրդ». Այսօր հայտնի կդառնա, թե որ երեք դատավորներն են գնում ՄԻԵԴ ՔԿ-ն մանրամասներ է ներկայացրել ՊՆ մեքենայի՝ մահվան ելքով վթարից Բացառիկ կադրեր. «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը Հայտնի են դարձել Իրանի ԱԳՆ ղեկավարի հետ Լավրովի հեռախոսազրույցի մանրամասները «Հրապարակ». ԱԺ-ն արտահերթ նիստ կհրավիրի Ակադեմիական քաղաքի կառուցումը 1,2 տրիլիոն դրամ կկազմի, Մատենադարանի շենքը չի վաճառվի․ մանրամասներ