«Փաստ». Իշխանությունները «տասովկաների» մեջ են

«Փաստ» օրաթերթը գրում է. «Սեպտեմբերի 25-ին ՀՀ 18 համայնքում տեղի ունեցան ՏԻՄ ընտրություններ։ Ընդհանուր առմամբ, իշխող քաղաքական ուժը հաջողության է հասել համայնքների կեսում: Սակայն մի քանի համայնքներում կոալիցիա կազմելու խնդիր կա:

«Փաստ» թերթի տեղեկություններով, բոլոր այն վայրերում, որտեղ կոալիցիայի հարց է առաջացել, անկախ նրանից՝ առաջին տեղում ՔՊ-ն է, թե այլ ուժ, իշխանությունները բավական ակտիվ քննարկումների և «տասովկաների» մեջ են: Մասնավորաբար, մեր աղբյուրը փոխանցում է, որ այն համայնքներում, որտեղ ՔՊ-ն պարտություն է կրել, սակայն հաղթող ուժը 50 տոկոս+1 քվե չի ստացել, իշխանությունները փորձում են ամեն գնով տապալել այլ ուժերի հնարավոր դաշինքը։

Ավելին, նախօրեին ողջ օրվա ընթացքում իշխանության ներկայացուցիչները վազվզոցի մեջ էին՝ փորձելով հնարավոր և անհնար բոլոր միջոցներով համապատասխան շրջանակների հետ կոնտակտի դուրս գալ և իրենց ցանկալի դրական արդյունքի հասնել։ Մեր տեղեկություններով, նախընտրական շրջանում իշխանության համար պարտված տարածքներում «վիզ դրածները» երեկ ընդհատակ էին անցել:

Նրանցից ոմանք, մեր տեղեկություններով, հրավիրվել են Երևան՝ «մայր գրասենյակ»՝ քարոզարշավի ընթացքում տված խոստումների, կորցրած ձայների և ծախսած գումարների համար պատասխան տալու նպատակով»:

Այս թեմայով Հայաստանը Եվրոպա է և վերջ. ՀՀ-ում պիտի արտահերթ խորհրդարանական ընտրություններ անցկացվեն Բելառուսում խորհրդարանական ընտրություններ են ընթանում «Հրապարակ». ԵՊՀ-ում դեկանների ընտրություններ են Մինչև պատերազմի ավարտը Ուկրաինայում ընտրություններ չեն լինի Թայվանում վարչակազմի ղեկավարի և խորհրդարանի ընտրություններ են, որոշում են հետագա ուղին․ Զաքարյան Եթե ՀՀ-ում արտահերթ ընտրություններ լինի, կնշանակի, որ դա արվում է թուրքի թողտվությամբ. Մկրտչյան Նախագահական արտահերթ ընտրություններ՝ Ադրբեջանում․ որո՞նք են պատճառները և որքանո՞վ է առնչվում մեզ հետ «Հրապարակ». Արեւմուտքն է պահանջում արտահերթ խորհրդարանական ընտրություններ Ալավերդիում արտահերթ ընտրություններ կլինե՞ն. «Փաստ» Սերբիայի նախագահը ցրել է խորհրդարանը և արտահերթ ընտրություններ նշանակել