Հստակ մշակած ռազմավարություն է պետք, տեսլական ու թե ինչ ժամկետներում ինչ պիտի անենք, որ կարողանանք տալ վերջին ճակատամարտը՝ հաղթականը. Կարեն Հովհաննիսյան
ԲլոգոսֆերաԱրցախի ԱԺ պատգամավոր Կարեն Հովհաննիսյանը ֆեյսբուքյան գրառմամբ անդրադարձել է մի քանի կարևոր անելիքների, որոնք պետք են՝ ստեղծված վիճակից դուրս գալու համար։
Խնդիրը ունի երկու լուծում՝ պատերազմ կամ խաղաղություն։
Մի մասի համար «խաղաղության օրակարգը» կեղծ է, (ինչը մարտավարական որոշ քայլերով Ադրբեջանը ինքն է տորպեդահարում) և մյուս մասի համար էլ,֊ հիմա պատերազմելու վիճակ չունենք( սպառազինության հետ կապված ինչ֊ինչ խնդիրներ, տնտեսությունը բազմիցս զիջում է Հայաստանի Խորհրդային տարիների տնտեսությանը, գումարած աշխարհաքաղաքական լուրջ վայրիվերումները)։
Հարցը հռետորական է, ի՞նչ անել։
Ինչպես ասում են՝ надо выграть время..
Ի՞նչ է անհրաժեշտ դրա համար։
Հստակ մշակած ռազմավարություն, տեսլական, թե ի՞նչ ժամկետներում ինչ պիտի անենք, որ կարողանանք տալ վերջին ճակատամարտը՝ հաղթականը։
Կա արդյոք այդ մտքի կենտրոնը, մարդիկ ովքեր իրենց ուսերին, իրենց առողջության ու վարքի հաշվին կհասցնեն ժողովրդին մեր նոր Սարդարապատին, ինչի հետ հաշվի կնստեն մեծ խաղացողները այնպես ինչպես Արցախյան առաջին ազատամարտի ժամանակ, ինչպես հիմա Ուկրաինայում։
Մեր ձեռքերում է, ուղղակի նպատակ, կամք, գիտելիք և համբերություն է պետք և մեծ խոհեմություն բոլոր այրերից, ովքեր հիմա իրենց վրա պատասխանատվություն ունեն վերցրած ժողովրդի և պետության ճակատագրի համար։