Իրանում ձերբակալվել է նախկին նախագահի դուստրը (լուսանկարներ)

Իրանում բողոքի ցույցեր հրահրելու համար ձերբակալվել է նախկին նախագահ Աքբար Հաշեմի Ռաֆսանջանիի դուստրը, հայտնում են միջազգային լրատվամիջոցները։

Նշվում է, որ բողոքի ակցիաները շարունակվում են արդեն 12 օր։ Դրանք սկսվել են Մահսա Ամինիի մահից հետո տարբեր քաղաքներում, այդ թվում՝ Թեհրանում, Թավրիզում, Քարաջում, Քոմում, Յազդում: Բողոքի ցույցերի արդյունքում, ըստ Իրանում մարդու իրավունքների կենտրոնի, որը տեղակայված է Նյու Յորքում, առնվազն 76 մարդ է զոհվել։

«Իրանը դեռևս գտնվում է ինտերնետի/բջջային կապի անջատման վիճակում, սակայն որոշ տեսանյութեր դեռ հրապարակվում են»,- ասվում է կենտրոնի հայտարարության մեջ։

Բացի այդ, ըստ Fars լրատվական գործակալության, ցույցերի պատճառով զոհվել է 60 մարդ։ Պաշտոնական իշխանությունները հաստատում են 41 զոհի մասին։

Նյութում ասվում է նաև, որ Իրանի ողջ տարածքում 1200 ձերբակալություն է իրականացվել։ Ձերբակալվածների թվում կան ոչ միայն ակտիվիստներ, այլև տեղացի լրագրողներ։ Ցուցարարներին են միացել Իրանի համալսարանների դասախոսներ։ Նրանցից ոմանք թողել են աշխատանքը կամ հրաժարվել են դասավանդելուց:

Հիշեցնենք, որ Իրանում բողոքի ակցիաները սկսվել են 22-ամյա աղջկա՝ Մահսա Ամինիի մահից հետո։ Նրան ձերբակալել են տեղի անվտանգության ուժերը «հիջաբը սխալ կրելու համար»: Իրավապաշտպանները պնդում են, որ աղջկան ծեծելով սպանել են։ Սրա պատճառով բազմաթիվ երիտասարդներ դուրս են եկել փողոց։ Բողոքի ցույցերը վերաճել են Իսլամական հեղափոխության պահապանների կորպուսին (ԻՀՊԿ) ծառայող իրավապահների հետ բախումների։

Այս թեմայով Երևանի կենտրոնում հանրահավաքի ժամանակ ոստիկանին հարվածելու կասկածանքով կին քաղաքացի է ձերբակալվել Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Նոյեմբերյանում ճանապարհը փակելու համար 5 անձ ձերբակալվել է «Ժողովուրդ». Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին Նունե Պետրոսյանը վերանշանակվել է Քաղաքաշինության կոմիտեի նախագահի տեղակալի պաշտոնում Տավուշի մարզում միջպետական ավտոճանապարհը փակելու ընթացքում 7 անձ է ձերբակալվել. ՔԿ ԶՈՒ գլխավոր շտաբի նախկին պետ Օնիկ Գասպարյանը Հակակոռուպցիոն դատարանում է․ Armlur Թուրքիայում ԻՊ-ի հետ կապ ունենալու կասկածանքով 36 անձ է ձերբակալվել Մեկնարկել է Ֆրանսիա-Հայաստան բարեկամության խմբի նախագահի գլխավորած պատվիրակության այցը Հայաստան