Ավստրալիայում զբոսաշրջիկներին զգուշացնում են դեղին դաշտերում չլուսանկարվել
ԺամանցԱվստրալիայում ֆերմերները վախենում են կանոլայի բերքի անվտանգության համար այն բանից հետո, երբ սոցիալական ցանցերում տարածվել է դեղին դաշտերում լուսանկարելու միտումը: Այդ մասին գրում է The Guardian-ը։
Գարնանը Ավստրալիայում ծաղկում են կանոլայի դաշտերը, ինչի պատճառով տարածքը դառնում է վառ դեղին։ Տեսարանը գրավում է բազմաթիվ երկրպագուների՝ սոցցանցերի համար գեղեցիկ լուսանկարներ անելու համատեքստում։ Նրանք կանգ են առնում ճանապարհների երկայնքով, բարձրանում ցանկապատերի վրա և կեցվածք են ընդունում դեղին ծաղիկների մոտ։
Ըստ գյուղատնտես Կոնդոնի՝ սոցիալական ցանցերի այս միտումը վնասում է այն բերքին, որից պատրաստվում են ձեթը:
«Մարդիկ պատահականորեն գալիս են ֆերմա և կանգ առնում ու թափառում բերքի մեջ: Ներկա պայմաններում դրանք ուղղակի վտանգ են ներկայացնում կենսաանվտանգության համար, ուստի սա մտահոգություն է գյուղատնտեսական մթերք արտադրողների համար»,- ասել է նա: