Արցախում օտարերկրյա քաղաքացիների համար սեփականության իրավունքի սահմանափակումը կտարածվի՞ հայաստանցիների ու սփյուռքահայերի վրա․ պարզաբանում

Արցախում սահմանադրական փոփոխություններ են նախաձեռնել, որի կարևոր դրույթներից մեկն էլ օտարերկրյա քաղաքացիների համար սեփականության իրավունքի սահմանափակումն է։ 

«Մեզ համար ոչ թե վտանգավոր է օտար քաղաքացիների, ավելի հստակ՝ մեր թշնամիների կողմից միջնորդավորված կերպով, այլ անձի անունից Արցախում սեփականություն ձեռք բերելը, այլև՝ անընդունելի»։

Այս մասին ԼՈՒՐԵՐ․com-ին ասաց Արցախի «Արդարություն» կուսակցության նախագահ, սահմանադրական փոփոխությունների հայեցակարգային հանձնաժողովի անդամ Հակոբ Հակոբյանը։

Նա նշեց, որ օտարերկրյա քաղաքացիների համար սեփականության իրավունքի սահմանափակումը որոշ յուրահատկություններ ունի․

«Քանի որ մենք ունենք նաև բազմաթիվ հայաստանցիներ, սփյուռքահայեր, ուստի, որպեսզի այդ դրույթը շատ խիստ չլինի, հետագա մանրամասնությունները վերապահել ենք օրենքին։ Այսինքն, որպեսզի ընդհանուր դրույթը համահարթեցման էֆեկտ չունենա, մնացյալ կարգավորումները տրված են օրենքին»։

Ինչ վերաբերում է սահմանադրական փոփոխությունների ընդունման հնարավոր ժամկետներին, Հակոբյանն ասաց հետևյալը․

«Ընթացակարգային փուլեր կան, այժմ փոփոխությունների փաթեթը դրված է հանրային քննարկման, որից հետո նախագահը հրամանագիր է ստորագրելու և այն ուղարկելու է Արցախի խորհրդարան»։

Մեր զրուցակիցը նշեց, որ ի սկզբանե նախատեսված է, որ փոփոխությունները կընդունվեն այս տարեվերջին կամ ամենաուշը՝ 2023 թ․ սկզբին։

Արա Ալոյան

Այս թեմայով Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Նոյեմբերյանում ճանապարհը փակելու համար 5 անձ ձերբակալվել է Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Իշխանության՝ խնդիրները լսելու կամքը բավարար չէ դրանք լուծելու համար, բռնություններ չպիտի լինեն․ ՄԻՊ Ապրիլի 25-ը որոշիչ օր է Մամիկոն Ասլանյանի համար. «Ժողովուրդ» Գեղակերտի 62-ամյա բնակչի սպանության համար մեղադրանք է ներկայացվել վերջինիս որդուն Հայտնի բժիշկ Արայիկ Ղարիբյանը լքեց ԵԿՄ շարքերը Հայեր, մեր հողը թշնամուն տվողին կախաղան հանեք, թուրքը մեռնում ա Տավուշի անտառի ու ջրի համար (տեսանյութ) Ինձ համար Հայաստանի սահմանն այնտեղ է, որտեղ կարող է կանգնել հայ զինվորը. Բագրատ Սրբազան (տեսանյութ)