Շվեդիան վերացրել է Թուրքիա ռազմական տեխնիկայի արտահանման սահմանափակումները

Շվեդիան վերացրել է Թուրքիա ռազմական տեխնիկայի արտահանման սահմանափակումները, որոնք սահմանվել էին 2019 թվականին։ Այս մասին ասվում է Ռազմավարական արտադրանքի արտահանման վերահսկողության տեսչության (ISP) կայքում ուրբաթ օրը հրապարակված հաղորդագրության մեջ։

Երրորդ եռամսյակի զեկույցը ցույց է տալիս, որ ISP-ն վերսկսել է լիցենզիաների տրամադրումը շվեդական ընկերություններին, որոնք թույլ են տալիս նրանց արտահանել Թուրքիա էլեկտրոնային սարքավորումներ, ծրագրային ապահովում և տեխնոլոգիաներ, որոնք հատուկ նախատեսված են ռազմական օգտագործման համար:

Ինչպես պարզաբանել է տեսչությունը, ՆԱՏՕ-ին անդամակցելու Շվեդիայի դիմումը «էականորեն ավելի ծանրակշիռ» հիմք է ստեղծում դաշինքի անդամ երկրներ զենքի արտահանման համար։ «Հաշվի առնելով պաշտպանության և անվտանգության քաղաքականության ոլորտում փոխված հանգամանքները՝ ISP-ն, ընդհանուր գնահատումից հետո, որոշել է լիցենզիաներ տրամադրել Թուրքիա շվեդական պաշտպանական արդյունաբերության արտադրանքի հետագա մատակարարումների համար»,- ասվում է փաստաթղթում։

Շվեդիան և Ֆինլանդիան 2019 թվականին որոշել են սահմանափակումներ մտցնել Թուրքիա ռազմական տեխնիկայի արտահանման վրա՝ Սիրիայի հյուսիսում թուրքական զինուժի կողմից PKK-ի դեմ իրականացվող անդրսահմանային գործողությունների պատճառով։ Այս սահմանափակումների վերացումը Անկարայի կողմից երկու հյուսիսային պետությունների Հյուսիսատլանտյան դաշինք մտնելու պայմաններից մեկն էր։

Մայիսի 18-ին Շվեդիան և Ֆինլանդիան ՆԱՏՕ-ին անդամակցելու հայտ են ներկայացրել։ Նրանք պետք է հրավեր ստանային դաշինքի Մադրիդում կայանալիք գագաթնաժողովին, սակայն Թուրքիայի վետոն արգելափակեց այս գործընթացը։ Արդյունքում՝ հունիսի 28-ին Մադրիդում բանակցություններ են տեղի ունեցել Թուրքիայի նախագահ Ռեջեփ Թայիփ Էրդողանի, Ֆինլանդիայի նախագահ Սաուլի Նինիստոյի, Շվեդիայի վարչապետ Մագդալենա Անդերսոնի և ՆԱՏՕ-ի գլխավոր քարտուղար Յենս Ստոլտենբերգի միջև։ Ստորագրվել է հուշագիր, որը թույլ է տալիս Ստոկհոլմին և Հելսինկիին միանալ ՆԱՏՕ-ին և հաշվի է առնում Անկարայի մտահոգությունները՝ զենքի մատակարարման և ահաբեկչության դեմ պայքարի հետ կապված։

Այս թեմայով Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Տարածաշրջանային պատերազմ սկսվելու վտանգ կա․ Թուրքիայի ԱԳ նախարար Թբիլիսիում քննարկվել է Վրաստան-Թուրքիա-Ադրբեջան ռազմական համագործակցության կարևորությունը Ադրբեջանը, Վրաստանը և Թուրքիան քննարկել են եռակողմ ռազմական համագործակցությունը «Ժողովուրդ». 1000 տիրազուրկ հորերից ջուրը հոսում է Թուրքիա. Նիկոլ Փաշինյանը խաբել է. մաս 199 Թուրքիայում հայտարարել են, որ Իրանի վերաբերյալ տվյալներ չեն փոխանցել Իսրայելին Թուրքիայում կանացի հագուստով տղամարդը մտել է մզկիթ և ոտնձգություններ կատարել կանանց նկատմամբ Թուրքիայում ճոպանուղու խցիկը 605 մետրից ընկել է․ կա զոհ ու վիրավորներ (տեսանյութ) Թուրքական մեդիան շարունակում է «Զանգեզուրի միջանցքի» թեման դարձնել գլխավոր հարցերից մեկը. թյուրքագետ