Վախկոտ թշնամին ստանալու է իր արժանի պատիժը. Արա Զոհրաբյան

Վերջին ռազմական բախման ժամանակ գերի ընկած զինաթափված հայ մարտիկներին «խաղաղասեր» ադրբեջանցիների կողմից պառկած վիճակում գնդակահարելն ամբողջությամբ տեղավորվում է այս իշխանության քարոզած խաղաղության իրական օրակարգում: Այս մասին ֆեյսբուքյան իր էջում գրել է Փաստաբանների պալատի նախկին նախագահ, Փաստաբանական դպրոցի նախագահ Արա Զոհրաբյանը։

«Հայի արյուն ունեցող իշխանավորը ո՞նց կարող է չնկատել թշնամու ագահությունը, վայրենությունը և իրական նպատակը:

Ո՞նց կարելի էր ականապատված տարածքների քարտեզները տալ թշնամուն, ո՞նց կարելի էր Երևան Սյունիք հիմնական ճանապարհը տալ թշնամուն, ո՞նց կարելի էր անվտանգության գոտիները տալ թշնամուն, ո՞նց կարելի էր Արցախում դատապարտված թշնամու մարդասպան ահաբեկիչներին տալ թշնամուն, ո՞նց կարելի էր այս երկու տարվա ընթացքում ժողովրդին պատերազմի պատրաստելու փոխարեն «խաղաղության օրակարգ» կերցնել:

Ո՞նց կարելի է հիմա էլ սեփական ժողովրդին վախ ներշնչել, որ առանց նոր կապիտուլացիայի պայմանագրի Հայաստանը շանս չունի:

Եթե ադրբեջանին չի կանգնեցնում 2020թ. իր կողմից ստորագրած փաստաթղթով ստանձնած պարտավորությունը, որը բազմիցս խախտել է, ապա ինչու՞ պետք է կանգնեցնի նոր ստանձնած պարտավորությունը: Հարմար առիթի դեպքում, նոր պայմանագրի պայմաններն էլ է խախտելու, արդեն ռազմավարական ավելի արտոնյալ հնարավորություններ ունենալով:

Թշնամին մի կողմից, իսկ տեղական իշխանությունը մյուս կողմից լծված են մեզ հոգեբանորեն կոտրելու գործին:

Սիրելի հայրենակիցներ, մի թերագնահատեք մեր միասնական ուժը և ոգին: Վախկոտ թշնամին ստանալու է իր արժանի պատիժը:

Մինչև ադրբեջանը Հայաստանի կողմից լուրջ հակահարված չստանա չի կանգնելու: Այս թեզի ճշմարտացիությունը ստուգելու համար շատ խելք պետք չի ունենալ: Բավական է ունենալ հիշողություն և ինքնապահպանման բնազդ»,- գրել է Արա Զոհրաբյանը:

Այս թեմայով Իրենց կուռքի ստեղծած կանալիզացիոն համակարգն արդեն error է տվել. դագաղները այլևս թռչող բումերանգներ են. Զոհրաբյան Պապուա Նոր Գվինեան արժանի չէ մարդակերության երկիր կոչվելու. վարչապետ Թշնամին Փաշինյանն է, ամեն ժամ ստորացնում է մեր ժողովրդին, փող էլ է ստացել հաստատ. սևանցի (տեսանյութ) Թշնամին տասնամյակների իր երազանքն իրականացնելու «հնարավորություն» է տեսել. «Փաստ» «Խաղաղության խաչմերուկ» նախագիծը արժանի է ուշադրության և համակողմանի ուսումնասիրության Աշխատակիցը մեղադրվում է նպաստառուներից ապօրինի վարձատրություն ստանալու մեջ․ Հակակոռուպցիոն կոմիտե Ես պիտի տուն գնամ ու ով փորձի խանգարել՝ իմ թշնամին է. արցախցի պատգամավոր Կուրսանտի սպանության գործով նշանակված պատիժը խստացվել է ՀՀ «լամպուշկա» իշխանություններից պետք է պահանջել կալանքից ազատել բոլոր քաղաքական բանտարկյալներին. Զոհրաբյան Հերոսածին մայրեր, այն ինչ դուք տվել եք հայրենիքի համար, անգնահատելի է և արժանի մեծարման. Որդիների կանչ